منتدى استراحات زايد - راعي العجراء وبيضة الدجاجه

السلام علاكم ورحمة الله وبركاته
اليكم هذه السالفه قصتي والدجاجه
يوم كنت صغير بالعشرينات تقريبا عمري 11 سنه اواقل وانتم عارفين اخوكم راعي العجراء اخبال فيه نسبة 99% هبال ونقاصه عقل ورجه
ماتروح ولا بترصيص العضيب
وكان عندنا ذود دجاج
ودائم مقابل الدجاج الى درجة اذا لقى الديك حبه عيش ونادى الدجاج اروح اركض معهن اشوف وش لقاء للدجاج يوم يناديهن
اخذت من سلوكهن وطبايعهن
وكم مره اشوف الدجاجه وهي تبيض وخوي الصغير مايوم واحد شافها وهي تبيض ودائم يقول لاشفته تبيض نادني ودي اشوفه
وهي تبيض قلت ابشر كل الدجاج عارف مواقيت بيضهن خبره 15 سنه من مقابلهن
وفي هاك الصباح كان اليوم عطله جمعه رحت يم الدجاج وفخيت بينهن اصوت لهذي وقلد هذي
اشوي الا وحده من الدجاج تبي تبيض اشوي يوم بانت البيضه وانا القطه الدجاجه من الارض ودز البيضه بالعكس وصوت لخوي واخوي مايسمع وكل ماطلعت رديته وانا اصوت لخوي
الدجاجه وصلت حالة الاغماء وكل مادفعتها رديتها شوي للداخل يوم صار راس الدجاجه يتلوى
ورجليها شصولن وصارن صالبات وانا اصبعي راد البيضه لاتبيض لما يجي اخوي يشوف
عملية التبييض
يوم شفت شكله اختلف خفت منها وانا اتركه شوي يوم طاحت البيضه بالارض والدجاجه طاحت في محلها اغماء
قعدت لها ربع ساعه يوم ردت لها الحياة من جديد
ومن عقبها ماعاد باضت ولا فيه امل تبيض ولا بالتلفزيون
ماقلت لكم فيني رجه ماتروح ولا في ميزان العضيب الشكوى لله ردات العقل مصيبه
اشكركم على سعة صدوركم مع سواليف راعي العجراء
وقبل الختام
سبحانك اللهم وبحمدك لااله الاانت استغفرك اللهم واتوب اليك