منتدى استراحات زايد - يابحر فيني من الحزن كثر مافيك ..

يابحر .. فيني من الحزن ..كثـر مافيـك ..

من حزن .. وأوجاع .. وغياب .. وغرايب !!

لاتلومنـي إليـا شفتنـي .. دايـم أجيـك ..

ولاشفتني دايم .. علـى الشـط .. ذايـب !!

حزني كبير .. أكبر من حدود .. شاطيـك ..

وأقسى من جروح الزمـان .. العطايـب !!

وإن كان تنشدني فـأنا ..مقـدر أخفيـك ..

دايم اظن .. ويطلـع .. الظـن .. خايـب !!

في هـالزمن ..أقرب حبايبك .. يشقيـك ..

إليـن تدفـع فـي غـلاه .. الضـرايـب !!

من بعد هذا .. يبتعـد عنـك .. ويجفيـك..

ماكنه .. بـجنبك .. قضى الوقت .. طايب !!

وإلا..الخـوي اللـي توقعـت .. يفديـك ..

يفديك عمره .. لاغـدت بـك .. نشايـب !!

صد .. وتصدد .. مايبي .. سمع .. طاريك ..

وياما .. أنت .. دونه .. أتعبتك .. الطلايب !!

لاتقول لي .. بدري .. وتوك .. ويمديـك ..

وتعال .. وأسمع باقي الهـرج .. صايـب !!

خلك بـحالك .. وأطلب الـرب .. يهديـك ..

ولاتنشد اللي غاب .. وين أنت .. غايـب !!

وإن شفتني غايب .. عن حدود .. شاطيك ..

أعرف تراني .. تحت .. ذيك .. النصايـب !!

وأعرف تراني .. دايم إن ضقت .. بـآجيك ..

لأني .. أنا والموج .. صرنـا .. حبايـب !! السمووحهـ ..