منتدى استراحات زايد - ياعيد وصيتك على فرخ شاهين (فارس الرس)

السلام عليكم ورحمة الله وبركاته

حبيت اشارككم هذا العمل
وارجو ان يحوز على رضاكم

يا عيد وصيتك على فرخ شاهين
................................يا ظن من هقوى وصابت ظنونه

تراك راعي صنف في الطير وذهين
................................... صقار والصقار ما يغلبونه

شافوه في الدوحة على ذمة حسين
...............................والناس في حي النصر يذكرونه

ما صار له في السوق يا عيد يومين
............................... مره يا بو محمد ولا لك مهونه

وكانه مثل بارود يا حي ذا العين
................................ لاشافه الصقار طارت جنونه

وحده من الثنتين ما فيه ثنتين
................................هاته وعطهم فيه ما يطلبونه

وعينك عليه يسار يا عيد ويمين
................................ وتراك راعيه مكاني وعونه

من قبل لا تصدف عيون الحسودين
................................ شله قبل يا عيد لا ينقلونه

ودارك عليه اشوي ببزين وببزين
......................... وتكفى يا بومحمد من الكفخ صونه

الشاعر/ مبارك بن عينان الهاجري

تقبلو تحياتي
اخوكم /ابومحمد