|
مطبق الربيان بشغل يدي بالصور السلام عليكم ورحمة الله وبركاته... مسائكم عسل وورد وجوري ياأحلى أعضاء مكشات.... طبعا اقصد الي راح يزوروني هنا في موضوعي وبعد الي مارح يزوروني بمسي عليهم بالخير ليكوون يسمعون و يزعلووون المهم ماأطول عليكم اليوم جايب لكم أول طبخه أنقله لكم على المنتدى طبعا طبختي اليوم مش بريه بل بيتيه وهي مش اول طبخه لي بس هذا اول طبخه أصوره وبالخطوات وبعطيكم اياه بالتفصيل الممل ههههههههههههههه اليوم بذوقكم مطبق الربيان من أيدني الحلوه..... واثق من نفسه... زززين أبتدي الطبخ بسم الله اول شي نجهز العده جدر عدد 2 مشخل ملاس زين بعدين نجهز المقادير المطلوبه بصل - طماطم - فليفله - صلصله زيت بهارات- ملح رز ربيان بعد ماجهزنا كل شيء نبتدي في الشغل فتحوووا عيونكم معاي http://alkesa.com/vb/images/smilies/icon612342.gif في البدايه نسلق الربيان لمده 15-20 دقيقه http://im.gulfup.com/2010-12-20/12928625531.jpg وفي خلال فترة سلق الربيان نبتدي بحمس البصل مع البهارات والبصل والطماط وبعدها نحط البهارات والملح زين بعد ماخلصنا من سلق الربيان نشخله ونغسله طبعا كل واحد على حسب مزاجه يبغا يغسله او لا بس بالنسبه لي انا اغسله عموما بعد مايجهز الربيان نقوم بوضعه على الحمسه الي كنا حنا مجهزينها ونخليه على النار الين مايصير بهالشكل وبعد ماجهزنا الربيان جا الدور على الرز طبعا الرز اهو اسهل شي نكب الرز في قدر ونعبيه ماي ونحط الملح معاه ونخليه يغلي الين مانشوف حبة الرز بدت تقلب وتكون انها على وشك استووت بعد مانشوف الرز ونتأكد انه استوى نقوم بشخله وبعدين نحط اشوية زيت في الجدر ونحط الرز وبعد الرز نحط الربيان بهالشكل وبعده نحط الرز الباقي فوق الر بيان ونحط اشوية زبد فوق الرز وبالهنا والعافيه على قلوبكم شكلكم دختوا من الطبخه اقصد من طول التحضير المهم الي يبي يطلب اي طبخه ترا مافي مجال الي بعد خمس شهووور هههههههههههه انتظروني مع الطبخه القادمه |
| الساعة الآن 11:06 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir