|
قصه جرت لي .... ولن انساها بسم الله الذي لا يضر معا اسمه شي السلام عليكم ورحمة الله وبركاته صبحكم الله بالخير الجميع قلت ابعوضكم فالموضوع الي سبق وتم نقله الى قسم المنقول سالفه جرت علي انا شخصياً من فضل الله علي انا احب الطير واهواه بحكم المجتمع الي انا عايش فيه اغلب اخواني صقاقير قدر الله واشاء اني اشتري طير ولرجالي الي انا شريت منه الطير كانت بيني وبينه مسافه ما يقارب 100 كيلو المهم توكلت على الله انا واحد من الشباب الي احب خوتهم وبيني وبين راعي الطير تلفون على اساس يوصف لي بيته واجيه المهم الرجال معاي على التلفون لما دخلت المحافظه الي هو فيها قال وصلت للمكان الفلان قلت وصلت قال ابد لا جاتك اللفه اخذ يمين وبتلقاني واقف على الباب قلت على خيررر ان شاء الله وفعلً لفيت يمين ومشيت شوي الا الرجال واقف على الباب وحنا نسفط ونقلط شبت ضو وشاهي وقهوه وحليب وناسه وسوالف تطرب السامع جلسنا والله حوالي ساعه الا ربع وحنا سوالف ويشهد الله اني استانست والي معي استانس وفجآءه جاني اتصال طلعت تلفوني من مخباي الا راعي الطير يتصل هههههههههه ياليل اقول في خاطري بسم الله الرحمن الرحيم اجل من حنا في ضوه ذا ليل ,, وانا اخليه ما رديت علي دريت ان حنا غلطانين وهدفنااااا ههههههههه قلت ما حولكم احد راعي طير ؟ وانا ابتسم :d قال راعي المحل اهل الطيور واجد من تبي فيهم قلت فلان الفلان قال شفه جارنا ههههههههه قلت الظاهر ان ربي ماهوب كاتب اني اشتري منه الطير ذاليل ونجلس نضحك ويحلف راعي المكان ويطلق انها ابرك ساعه جابتكم هالساعه واغلى من وطى هالبيت وسبحان الله صارت صداقه بيني وبينهم المهم طلعنا من عندهم ورحت لراعي الطير الاهو يقول ياخي انت وينك قلت ابد حنا نمشي ونتضيف ههههههه وسبحان الله الي ما كنت ابي منهم شي جلست عندهم ساعه والي ابي منه شي ما جلسنا حتى 5 دقايق ههههههه وسلامتكم يالغالين |
| الساعة الآن 08:36 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir