منتدى استراحات زايد - $$$$((وجار الشقه بدون حطب ))$$$$

بسم الله الرحمن الرحيم
السلام عليكم ورحمه الله وبركاته
تحيه لأخواني الكشاته
اقدم لكم هذا الأختراع اللي مالقيت مثله في كل دول العالم
الاوهو وجار الشقه
للاخوان اللي ساكنين الشقق الله يسر امرهم ويثري ايديهم
ومكوناته من حراج ابن قاسم
1:قاعدة غاز لطبخ الذبايح ب 20 ريال من الحراج
2:صحن المنيوم لان الستيل مايطاوع بالثني ب 10 ريال من الحراج
3:دفايه غاز ويصلح كهرب ب50 ريال من الحراج
تاخذ مقاس اطار الدفايه من الاعلى واقرب محل تلحيم شكمانات بالنار وتشق الصحن وتثني الشفه للاعلى لاجل لو انكب شاهي مايطيح على الفرشه
طبعا بتلقى قاعدة الغاز مصديه ادهنها بالون اللي انت تبي
خرم الصحن والقاعده للتثبيت ولاتنسى تحط سيلقون لفتحات المسامير لعدم التهريب
ويازين براد الحليب والخبزعلى الدفايه فطور كايف
وذن قم صل بس