يالله دخيلك من دبلة الكبد:)
 

بغينا نصقر الجير وصقرنا.
وشرهتنا على اللي يصقرونه.
الجير بيور طلع في راس فهيد بن مخلب ثعلبه. افك الحمام ست ست ويجيبها ماتاخذ معه دقيقه. واذا دعيته على الملواح طار وجا لين يوقع قريبي وقعد يناظر في. واذا كثرت عليه النهم والصياح جاني يركض على رجوله وغديت انا وياه تقول توم وجيري.
اركض بالشلو وهو يروكض وراي. اخرتها اليوم لفيت على الجيب انا وياه خمس لفات تقول في ماراثون مابقى الا احط حواجز عشان نطمرها انا وياه. ابغاه يمسح الشلو عجزت ومن زين طبوعه يكوش ويهبد جعله يهبده العقاب. عالعموم انا عندي طير عرب غيره- والله ونعم بطيور العرب-بس عجزت اعلمه على الشلو والا الحمام يصخره تصخير الاجرب. وكلمت الشيخ المطلق اليوم لعله يفتيني قال شف اهل مكشات لعلك تجد اجابه ياولدي.