منتدى استراحات زايد - سالفة:كلو حنينيي..قوافي

السلام عليكم ورحمة الله وبركاته
صبحكم/ مساكم الله بالخير جميعاً
هـــلابـــكــــم
:f الأكلات الشتويه نشتاق لها كثير ومانصدق على الله شتينا شوي لو هبة هو ابارد إلا وتدهر الطبخات والنفخات البطنيه ..بس هين والله طبخنا الشتوي شي :D:D:D
وحده من قريباتي الحبيبات رحمها الله وأسكنها فسيح جناته ورحم جميع غالييني على قلبي وقلوبكم من اقارب وقريبات..اللهم آمين
كانت تتميز بين اخواتها بتصليح الحنيني وجميعنا نعرف إنها أكله شعبيه شتويه تؤكل لتدفئة الجسم وامداده بالدفئ والحراره

وهي تصنع من القرصان المخبوز بوقته مهوب مثل الحين يابس ويربص بماء اللهم لا أعتراض بس الحين قليل اللي تعرف تقرص القرصان..والتمر الخالي من الفصم او النوى او العبس ;) اختارو الاسم اللي تبون.ويحط عليه زبد ويعصر ترنج للي يحب والليمون يقوم نفس المقام من الحموضيه..لحظه بوقف الكتابه بروح اسوي حنيني بقرصان يابس وبعدين أكمل :p
المهم بيوم كان عندنا ضيوف لهم توئم بنفس عمري وشايفين انفسهم علي عشانهم ثنتين كبر بعضهم وانا خواتي اكبر واصغر ويحبون الحنيني مثل عيونهن:mad::mad:
وشوي إلا وطق الباب واركض كودوه ضيف اخف دم اثره ولد الغاليه جايب قدر حنيني :eek:
قلت والله لو وشي ماخليهم ياكلون حنينينا وغبيته بالمخزن وقلت لأختي لاتعلمين لاراحو طلعناه والله ما يذوقونه..
كالعاده نسيت ويوم جان النوم رحت ونمت والصبح رحت ادور الحنيني بغيت افقد الذكره من القهر لقيت القدر مغسول وممسوح بعد:(
وطيران على امي واهوجس عسى ذا النسختين كلوه ياويلهم:mad:
يمه يمه وين حنينييي
قالت هه انتي اللي حاطته على الرف
لقيته يوم رحت اجيب تمر للقهوه من التنكه و تقهوينا عليه
وقضى !!!!
طيب ليه ما رفعتيلي شوي؟؟
قالت:
فلانه وفلانه تهاوشوعليه يوم بقى شوي..
بغيت اموت من القهر كلوه وانا مغبيته وبعد يتهاوشون..
تحياتي
اختكم
..قوافي..