|
راعي العجراء والمسجد الصغير السلام عليكم ورحمة الله وبركاته اليكم هذه السالفه القديمه في سنة من السنين وقبل ثلاثين عام في احدى القرى بالجنوب دخلت انا وزميلي المسجد لصلاة العصر وكان عدد المصلين حوالي 12 شخص يوم دخلنا الى والمصلين يركعون فاسرعنا بالدخول كي نلحق على الركعه يوم وصلت عند المصلين الا وزميلي يصل قبلي وهو يدخل بيني وبين اقرب واحد راكع بسرعه وهو يركع مع المصلين انتم خابرين راعي العجراء مطفوق اليا انطلق ماتلحقه الدستن وانا اصتدم بزميلي وهو راكع وهو يطيح على اللي بجنبه وهذا يطيح على هذا تقول لعبة الضومنه الا اخر واحد سلم من الطيحه البعض منهم التفت والبعض ضحك واكمل صلاته وانت عارفين لاصار الواحد راكع مايقدر يضبط توازنه ويوم استعدلوا وسجدوا وان اطلع من الصف واخذها ضحكه وانا ارجع للبيت واصلي زميلي يوم اكمل الصلاة وهم يلتفتون عليه وهم يتكلمون عليه البعض ينصح والبعض يهوش وهو ماغير ان شاءلله ابشروا طيب ويوم رجع للبيت وهو يجيك منطلق علي بالكلام مع الضحك يااخي انت هجيت وحطيتني بالموقف هذا مع المصلين انتهت السالفه والله يحفظ الجميع وقبل الختام سبحانك اللهم بحمد لااله الاانت استغفرك واتوب اليك تحياتي للجميع |
| الساعة الآن 12:48 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir