منتدى استراحات زايد - اذا بغيت تعرف الملقوف ..........

السلام عليكم ورحمت الله وبركاته .........

اليوم عندي سالفه عن جد الوالد الله يغفرله ويرحمه ويسكنه فسيح جناته

يسولف لي الوالد عن جده الله يرحمه ويقول كان حار وعيار , حتى يقول مره كانوا كاشتين وتخبرون باشتاء لابد من شبه النار

وكان هو اكبر الموجدين وكان يامر وينهىا حطوا هذا شيلو هذا جيبو هذا المهم كان فيه حدى احفاده يزين القهوة والشاهي ويحرك النار علشان لا تطفى وكان يقوله لاتحرك النار كثير والولد علشان يزين القهوة والشاهي لابد من تحريك النار وقام جد الوالد الله يرحمه يهاوشه انت ماتفتهم اخر مره نجيبك معنا طبعاً الولد عارف ان جده عصبي وحار سريع الغضب ما يرد عليه الا ان شاء الله , سم , ابشر ,

ما طلبت شي , الحين اسويه لك , والجد ماغير يهاوش الموجدين , ويتقهون ويعينون من الله خير الا الولد قام يلعب بالملقاط بنار

والجد تعب من هواشه ومل وقال حكمه جميلة وهي "" اذا بغيت تعرف الملقوف حط عنده ملقاط ""

والله يرحمه ويسكنه فسيح جناته

وان شاء الله تنال على استحسانكم ورضاكم

وان أكون ضيفاً خفيف,,,’

تقبلوا تحياتي.....