منتدى استراحات زايد - !! لذائقتكم مع التحيه !!

موجهه للاخ ابو طلال(حاتم ابن جريبه)

يابو طلال الوسم لاحت بروقه=كل العرب مستبشرين بلاماه
غيث من المولى عسى الله يسوقه=همال هتان تلاطم شغاياه
غشا نبيها والنقع مع عروقه=واشمل على دار الرفاقه ورواه
حتى جنوب وغرب سالت طبوقه=شرًق على التنهاة وخريم غشاه
الارض لبست كل عين تلوقه=مثل العروس بزفة العرس محلاه
متخا لف لون الزهرفي شروقه=كر النظر في شوفته لا تمثناه
واليا حصل لك من تحب وتشوقه=جهز معاميلك وعجل تنصاه

العمر فاني ما بقي فيه لوقه=ضم العشير اللي تحبه وتهواه

رد ابو طلال على قصيدتي

عسى الخيال اللي مناشيه فوقه=موقه يهل ويروي اللي تحراه

يمطر على دار الجماعة حقوقه=يمطر على نبيها وتكثر سراياه
لا من تزبر من صوادق صدوقه=ولاوح ببرق وعقبه الرعد يتلاه
يالله عن دار الوفاء لا تعوقه=يبري صوابي كان هل ونثر ماه
يظمى الوطا وإن هل يروي عموقه=ويطرب لها قلب ٍ بدنياه ما اشقاه
راع الولع لا شك نفسه شفوقه=يا كن قلبه مات ثم عاد و أحياه
تضحك سنونه عقب يسلا خفوقه=ينسى هموم ٍ كد حدنه على أقصاه
الحر في يمناي يردع سبوقه=هذا ترى يا أبو فهد ما أتمناه
أخير من غرو ٍ يتّعب لحوقه=و يروح عمري بالعناء و المعاناه
واليا حصل خوتك طابت علوقه = يشفق لها قلبي وتسمع مناداه