منتدى استراحات زايد - ::::::( اخطاء تجويع الطير لاصقره وتجويعه للهدد)::::::

السلام عليكم ورحمة الله وبركاته
تحية اخ لاخوانه
اولا انا ماني باعرف منكم
والثانيه
كلنا نستخدم طريقة التجويع لصقر الطير لاشك انها فعاله
لاكن كيف
الدعوه ماهي حزم زقم الطير المفروض ياكل علفته كل 24 ساعه علفه
والعلفه على حسب نوع الطير وحجمه ماتتساوى علفة شيهانه جبليه13 وجير 18
الشيهانه الجبليه علفتها سمانه الا ربع لابغيت اصقرها اعطيها ربع سمانه لمدة يومين على الدس تنتيش يعني ثلث الكميه المفروضه للطير واليوم الثالث اعطيها نصف سمانه بعد على الدس
ومن الخطى تفريعة الطيروتركه على الوكر لو دقايق لائنه وحش بطبعه وبتخرب تطبيعه
ثم تبدىء بعد ذلك بمرحلة التنقيز
اولا الطير تفرعه على الدس وبيدك الثانيه العلفه ينتشها وهي بيدك نتشه او ثنتين ثم تاخذ قدر الفصمه من العلفه وتضعها على الوكر ولا يزيد الجرير عن 15 سانتي مابين ساق الطير والدس وتشوفه القطعه اللي على الوكر باشاره بصبعك بينقز على الوكر ثم تضع مثلها على الدس بينقز على الدس وتكون انت وهو خلاويه لايخاف الطير ويتعود التكفيخ وعلى هالحال لاين يالفك يومين اوثلاث مع نقل الطير
ثم عقب تجي مرحلة الدعو
من متر يوم بالمجلس ثم وكر الطير مفرع في مكان مغلق وناد على الطير بسمه والعلفه على الدس ولا يصقرك الطير خلك طويل روح
(هو ياتصقره يايصقرك ان تهاونت)
ثم اطلع به ودعه بجرير 10 متر ولا تتل الطير تملع رجله
ثم باليوم التالي 15 متر بجرير ثم اتكل على اللي خلقك وخلقه وفكه ودعه بحي (والحجل بالرجل)ون به ريشة تتبع مامثلها
وعلى الله التوفيق
(مفاده لاتنقز الطير48 ساعه بهالوقت يموت جوع وذنبه عليك)
اسئل الله العلي القدير اني اصبت وافدت
وان اخطئت في شي اعذروني هذي صقارتي للوحوش
ودعولي ولوالدي جزاكم الله خير