|
قصيدة غزلية من الشعر النبطي باللهجه الاماراتيه السلام عليكم ورحمة الله و بركاته عدت لكم جددا بقصيده غزليه من تأليفي بـ اللهجه الاماراتيه القديمه( شرات قصايد أول ) أرجو أن تنال اعجابكم ( يــــا ويـــــودي ) و يقـــول الـــشـــاعر: ياويودي في هوا مزاحه... ياويودي فيه عذّبنيهو غلا هالقلب و افراحه... هو وريدي وقطعتن منّيفي وجوده الروح مرتاحه... و في بعاده همي و حزنييا حلو بو عيون ذباحه... لا تغيب وتبتعد عنّيلو تمرد يشهر سلاحه... ولو تلطف يكمل الفنّييروي الخاطر من الراحه... ينعش قليبي و يحضنّيله خصر و أرداف فضاحه... و له عيون(ن) تسحر الينّيمورّدات خدود تفاحه... و العمر صغيّر السنّييا طبيب القلب و جراحه... عاين قليبي و عاونّيمبتلي بالحب و رماحه... في وسط يوفي تعذّبنيلو تمشّا يحكم السّاحه... ولو تحجا يسكت الكلّيفي عيونه بروق لمّاحه... و في يدينه القلب معتلّيياويودي في هوا مزاحه... ياويودي فيه عذّبنيهو غلا القلب و افراحه... هو وريدي وقطعتن منّيو سلامتكــــم أرجو أن القصيده قد نالت اعجابكم تحياتي لكم أخوكم... . . اليزيره( الــزعـــابــــي ) |
صح لسانك ياليزيرة الزعابي وقصيدتك طيبة ومتماسكة وكلماتها جميلة !!! ويعجبني الي تكتبه دوم الله لايحرمنا من فنك يالزعابي !!! مبدع فهالقسم ودوم تنوره !!! ونفس ماقلت بكون من متابعيك دوم بإذن الرحمن !!! تستحق التقييم !!! |
يسلمو يسلمو يسلمو حبيبي بو قحيط انشاء الله مثل ما انا انور هالقسم اباك انته تنوره بردودك الحلوه فديت روحك لا تحرمنا من ردودك و من جديدك تحياتي لك ( ترقبو الجديد ) |
تألقتي في سماء الابدع وكتبتي كل جميل ونحتي حروف من ذهب انت دووووم مبدعه بسم الله عليك استمتعت هنا رزقك ربي التوفيق |
احــــــــم الغاليـــــــــــة ( اجمل لحظاتي ) أولا: انا واحد مب وحده ( ذكر )....( male ) ثانيا: شكرا على الرد الغاوي و لاتحرميني من ردودج الحلوه تحياتـــــــــي لج |
| الساعة الآن 10:22 PM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir