منتدى استراحات زايد - نقاش [ الحريم عند الصراف فوق الزحمه زحمه ! ]

السلام عليكم ورحمه الله وبركاته http://www.coalles.com/vb/images/smilies/hrt.gif
اسعد الله اوقاتكم بكل خير ،
احييكم وارحب بكم ي سيداتي وسادتي ،
ايهآ الحفل الكريم http://www.coalles.com/vb/images/smilies/icon191.gif

25 من كل شهر
هذا التآريخ لا ينسآه اي سعودي يعيش على هذي الارض http://www.coalles.com/vb/images/smilies/icon191.gif

السالفه الاولى
رمضان يوم 1432/9/20 هـ
وقت الرواتب http://www.vb.mlaki3.com/images/smilies/q7.png
في اخر ايام رمضان وبعد مارجعت من الخرج وعينت من الله خير وعقب الفطور الزين عند ابو نسب في فيذاك رجعنآ يا طويلين العمر والسلامه ل الرياض وبعدين لو اني داري اليوم وانا رايحن الخرج وب صفق مشوار 100 كيلو نجيب معنا تمر وماء ونفطر لكن يوم وصلنا باقي حدود الساعه الا رربع على الاذان بذاك ، http://www.vb.mlaki3.com/images/smilies/q7.png

عينت من الله خير وجمعت الفواتير فواتير الكهرب والتلفون وقلت اشوف صراف اسدد منه واسحب الي يقدرني الله عليه http://www.coalles.com/vb/images/smilies/icon191.gif

نقزت اول صراف الا صف سيارات وراء بعض وبينهم دوريه حدود السبع سيارات السياره الاولى حرمه مع السواق ومسويتن زحمه فاتحتن باب الفان ونازله تسحب قلنا بتخلص الا يوم ظهرت الصراف الثاني والثالث اخر شي سحبت على هالصراف وقلت اروح البنك احسن http://www.coalles.com/vb/images/smilies/icon191.gif
جيت البنك الا الصراف الاول عطلان والثاني سرا عليه والي براء البنك زحممه سيارات وانا انسآن احب اقابل الصراف على روقان عششان محدن يبثرني وانا اسدد لاني شغل تسديد عن طريق النت والهاتف المصرفي ما اعرف له وشغلتهم حوسه ب حوسه http://www.coalles.com/vb/images/smilies/icon191.gif
رحت صرافن أخر جمب سوق فيه شايب شوي جت حرمتين شوي الا الحريم وراء بعض وواجد http://www.coalles.com/vb/images/smilies/icon191.gif
يعني يقالي ب صير ذرب وافتح لهن مجال وليتن مافتحت المجال صفن وراء بعض وفيك خير تكلم اذا ما لمت عليك الخلق ولا بعد جمب السوق به جمس هيئه http://www.coalles.com/vb/images/smilies/038.gif

انتظر الحرمه الاولى الي طلعت صراف وسحبي ثلاث الاف وطلعي الصراف الثاني وسحبي خمس الاف وطلعي الصراف الثاني وسحبي خمس الاف اعنبو حيتس 13 الف وش بتزييني فيها بالسوق وليته سوقن يسوى على زحمته ابو رياليين ومسوي تخفيضات 20 % http://www.coalles.com/vb/images/smilies/icon191.gif

المهم تنحنحت وطلعت فواتيري وسددتهم ويوم جيت ب اسحب الا لايمكن السحب بالوقت الحالي http://www.coalles.com/vb/images/smilies/s52.png
لييييه طيب ؟
الصرافات زحمه وب يالله لقيت صراف واخرتها لايمكن السحب نبي نروح نسسدد الخياط ونعطيه دراهمه وناخذ الثياب http://www.coalles.com/vb/images/smilies/038.gif

السالفه الثانيه
الاربعاء ليله الخميس 1433/1/6 هـ
الساعه 12 ليلاُ
المهم بعد هذي الحوسه تعلمت وصرت كشخه واسدد فواتيري عن طريق مباشر عن طريق الهاتف المصرفي
او عن طريق النت المهم من ثلاث ايام وانا احاول اسدد عن طريق الهاتف والنت ماش مو ضابطه معاي نهائيا
المهم البارح الساعه 12 تحمست وقلت خلني انقز اقرب صراف ارحم من الهاتف المصرفي والغثاء الي مثل كذا
مريت 4 صرافات سامبا وكلها عطلانه جيت الفرع حقهم الي بشارع الحسن بن علي فيه ثلاث صرافات وحده ايداع والباقيات جربت بصرافتين ماضبط معاي وقردني الله ودخلت صرافتي بمكينه الايداع المهم سويت سداد وكذا
وتمت العمليه وتعلق المكينه !!
واصفق فيها وانتظر الايصال يطلع لي ان العمليه تمت وخصموا الفاتوره من حسابي الا ماش ياولد معنده الصرافه
شكلها كانت بردانه شوي الا اناظر الا اللمبه مولعه اخضر يعني دخل صرافك http://www.vb.mlaki3.com/images/smilies/12793984833.png
اثاري الصرافه ملعونه المترس كلت بطاقتي http://www.vb.mlaki3.com/images/smilies/5.gif
وقتها جيبي مافيه الا سبع ريال وكنت مخطط اسحب دراهم وثم انقز يم البقاله http://www.vb.mlaki3.com/images/smilies/q7.png
المهم ارتفع ضغطي وطنقرت رجعت البيت ومسكت على التلفون وكلمت البنك وعلمتهم ان الصرافه انبلعت
ونشبت على الهاتف المصرفي ليييييين سددت فواتيري http://www.vb.mlaki3.com/images/smilies/q7.png

السالفه الثالثه
قصتي مع الصرافات وبلعهن لبطاقتي ياكثرها تخيلوا خلال شهر راجعت البنك ثلاث مرات عشان اطلع صراف جديد
الموظف يقولي انت وش قصتك مع الصرافات قلت لاقصه ولا شي وانت دافعن من جيبك شي كلها على حسابي ياعيال اللذينا http://www.vb.mlaki3.com/data:image/...BJRU5ErkJggg==
مره يوم اربعاء والرواتب نازله ووقتها طفران مافي جيبي ريال وفوق ذا كله السياره مولعه لمبه البنزين لان نظامي انا نظام شياب
ما اعبي بنزين الا لما اشوف اللمبه مولعه عشان يفلل التانكي ويطلع الهواء من التانكي http://www.vb.mlaki3.com/images/smilies/q7.png
المهم وقفت في محطه وبها صراف وزين اني ماوقفت وقلت سديق عبي بنزين الين اسحب http://www.vb.mlaki3.com/images/smilies/q7.png
المهم وقفت عند الصراف وانزل القزاز وعقب ما شيكت على الحساب وشفت البنك خذو قسطهم ياجعلهم مايتهنو فيه
كزيت وبصرف لي 200 الا الصراف قامت تشرط مافيه الا 500 ناظرت قلت يلا العوض ولا القطيعه ووراء ثلاث مواتر
ضغطنا على الـ 500 وعشان انها طالعتن من غير نفس علقت الصراف وانا الي انشب عنده والي وراي يدقون بوراي
قلت يابوي صبر انت وياه نشبت صرافتي يوم شافوا اني ناشب ومافي امل اتحرك حركوا من عندي مرتفعن ضغطهم
بيني وبينكم تكيت نص ساعه قلت يمكن الله يهديها وتكز الـ 500 المشكله ماعلقت الا يوم جت تسحب واخاف اسري من عندها
وتطلع وتصرف الدراهم لواحدن ثاني يوم شفت انها علقت وطلع على الشاشه الجهاز عطلان قلت كويس خلني اروح واتسلف من اميمتي لين يوم السبت واطلع صراف اخر http://www.vb.mlaki3.com/images/smilies/q7.png
وهذي سالفه ثانيه وتروها اخر سالفه ادري ياكثر سوالفي لاحدن يعطيني جوال والا كيبورد http://www.vb.mlaki3.com/images/smilies/q7.png
في نص الشهر وتكون طفران وتطلب لك واحدن دراهم ومير ربي يهديه ويكون وقتها ماخذن له قرض وماسكتن معاه طيب يسددك
المهم دق علي وقال سلطان كز لي رقم حسابك http://www.vb.mlaki3.com/images/smilies/q6.gif
واكزه له واحتري رساله من البنك يقولو تم ايداع مبلغ كذا كذا http://www.vb.mlaki3.com/images/smilies/q7.png
يوم جت الرساله وادخل على اهلي قلت وش مصلحين عشاء قالوا والله لسه نفكر ماندري وش نصلح !
قلت لهم وش رايكم بس اعشيكم برى وعلى حسابي ما مداني اكمل كلامي الا كلهم لابسين وجاهزين http://www.vb.mlaki3.com/images/smilies/q7.png
طلعنا من البيت وشطفت صراف وابي اسحب الا يطلع لي خطأ في بيآنات الحساب الرجاء الاتصال في البنك ؟؟ http://www.vb.mlaki3.com/images/smilies/12793984833.png
شكله يوم ارسل الدراهم مرسلها من غير نفس يالتعبان http://www.vb.mlaki3.com/images/smilies/frown.gif
اتصلت عليهم قالوا لازم تحديث بيانات ولازم تراجع البنك !!http://www.vb.mlaki3.com/data:image/...AAAElFTkSuQmCC
طيب وش الحل بطاقات احوالي وقتها يبي لها اسبوع عشان تطلع من الاحوال موديها لهم يجددونها http://www.vb.mlaki3.com/images/smilies/=%28.gif
والحين مهايطن على اهلي وقلت بعشيكم يوم شافت اميمتي الوضع هاللون
قالت انا ووليدي واحد خلاص انا بعشيكم على حسابي http://www.vb.mlaki3.com/images/smilies/q7.png
انقذت الموقف حصصه عسى الله لايحرمني منها http://www.vb.mlaki3.com/images/smilies/=$.gif

وهذي معانآتنا كل شهر مع لصرافآت ومع الحريم وزحمتهن http://www.coalles.com/vb/images/smilies/icon191.gif

واكيد الجميع لهم مواقف كثيره عند الصرافات اتحفونا فيها http://www.vb.mlaki3.com/images/smilies/q7.png

السؤال الي يبطح نفسه ؟
1- هل صادف قدامك حرمه ابثرتك عند صراف ؟
2- وش شعورك وانت صاف ويوم يجي دورك تعذر السحب ؟
3- احد منكم قد صار معاه مثل المواقف الي صارت معي ؟
4-اذا اعجبكم الموضوع قيموني واذا ماعجبكم البير على الذمه http://www.vb.mlaki3.com/images/smilies/u6.png