هل صحيح بأن الفلتر الرياضي يدخل تراب للمكينة بعدين تخبط؟؟
 

بسم الله الرحمن الرحيم

السلام عليكم ورحمة الله وبركاته، كيف حالكم، ان شاء الله بخير،، على البركة موسم الخير والأمذار والمكاشيت.

اخواني، اما معي هايلوكس دفرنسين 2007، وخبركم الهايلوكس موب ذاك العزم وش عاد الدفرنسين..

المهم، أنا ركبت بواجي رياضية دنسو، وفرغت الشخالات، وودي بفلتر..

بس واحد من العيال ركب فلتر علي موتره هايلوكس دفرنس 2007، ومع أول كشته خبطت المكينة، ويوم جا يوضبها، يوم فتحوها لقوها مليانه تراب!!

وبنفس الوقت اشوف الهايلوكسات يركبون ولا صار شي الله لا يضرهم..
ووش أفضل نوه كي ان ولا شي ثاني، وش الطريقة الافضل لتركيبه، والتشييك عليه..
ف وش المشكلة، وخصوصا انه احتمال اركب هدرز..
وابي رايكم بالنسبة للهدرز..

فيه ملاحظة: الكثير يقول انه يقلل من عمر المكينة، فهل اخربها، بنا ان النوتر 2007 والحين نزل 2012، يعني راح عليه 5 سنوات...