|
صقاقير من دولة المغرب --- تقرير مدعوم بالصور --- بسم الله الرحمن الرحيم السلام عليكم ورحمة الله وبركاتة اخواني الاعزاء في مكشات مبروك عليكم الحياء واسال الله ان ينفع به البلاد والعباد أسف على الأنقطاعة هذه الايام وذلك بسبب الدواج للحباري حتى جرتها قديمه والله ماشفتها ... يادافع البلاء اليوم جايب لكم موضوع عن شيبان في المغرب من يوم نشو وهو هل طير ... ولا يمسيهم الليل الا معشين اطيورهم قبل أعيالهم .. من يوم نشو على وجه الارض وهم مع الطير ومع المقناص هم قبيلة القواسم في منطقة الجديده في دولة المغرب أهداء الى سيد قدور مقصوري و السيد محمد لعناية ولاخوي محمد الغزواني ولاهل الجديده عامه: شاقني ذكر القواسم في الجديده ... الرجال اللي معرفتهم تجاره الرجال اللي على دين وعقيده والرجال اللي تبيّن في الصداره ذكرهم جاني وانا دياري بعيده بالكرم والطيب وبحب الصقاره يعشقون الصيد وتدوج وتصيده بالطيور اللي بها سبق وجساره طيب صيت وطيب ساس ومن بديده تكرم العاني ويوقر له وقاره صيتهم جاني وسويت القصيده امدح اللي ماتفكر فالخساره http://a5.sphotos.ak.fbcdn.net/hphot...35789107_n.jpg اكبرهم في السن : سيد قدور مقصوري وهو الان شيخ الصقاقير يقول: نشتري حمامة لطيرنا قبل نشتري عيشة اعيالنا !! http://a1.sphotos.ak.fbcdn.net/hphot...27592437_n.jpg هذا السيد محمد لعناية جالس يعلف طيره ياشيخ محمد لاباس عليك .. وش عادك تبغي بالطير !!؟؟ قال أسمع : الطير هو غاية مرادي وشفي ** أقدره تقدير الاجواد للضيف !! وهذا شيبة ثاني..ياشيخ الطير ماعاد له خانة في ذا السنين !! قال : وش اتقول : والله ماني عن غلا الطير سالي** لو نطعمه من بارد الخبزوالعيش (( يامال فرقا العين )) الله يعطيهم الصحة والعافية شيبان عاد اقلوبهم متولعة بالطير !! يعلم ولده على نقلة الطير !! وفي الختام ارجو ان اكون اضفت شي جديد وسلااامتكم اخوكم - المري |
| الساعة الآن 01:34 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir