يقولون أنت شاعر قلت شاعر ضمن هالشعار=أجيد الشعر بانواعه وأقوله من صغـر سنـي
أجيد النظم والقلطة وأجيد الشقر لاهل الكـار=وليه في الفصيح لسان والكسـرات والفنـي
وداري عن بحور الشعر واوزانه وارد الشـار=لقوم الشار واجيب القصيـد اللـي يجملنـي
في باب النصح والارشاد لاهلا العرف والافكار=وتوجيهات لاهل الشعر واللي يستمـع منـي
وهالايام كثـروا ناظميـن النثـر والاشعـار=حقوق الشعر محفوظة وكم في الشعر متعنـي
وياكاف البلاء في المنتدايات انظروا وش صار=اشادات ومدح لاشعار تهـدر كسـر وتحنـي
تريدون الحقيقة قُدّم الاخفاء علـى الاظهـار=وابو تمام مايدري عن اللي قـال ابـن جنـي
بامانـه والامانـه لانغيـر تجـرة التـجـار=ولا نبسط بها في سوق كاسد يكسـر القنـي