|
[المدير الطيّب المسالم]:الحقني يا فلان!! .. [فلان عديم الاحساس]:مع نفسك حبيبي!مع نفسك صباحكم كابتشينو بالزنجبيل يالربع والله مدري وش اقول لكم ياجماعة الخير بس الركن العام والله العظيم تلخخخخخخخبببببببببط تلخبط كنه عجوز يالله يمشي بعصاته ارحمو هالركن ياجماعة الخير اذا ودكم بالتميز انا بصراحة لو اني مشرف بهالركن ؟؟ لأكون بايعها ( تقفيل وترحيل للمواضيع المخالفة والمكررة ) الحين هذا الرد ما يكفيكم بالله ؟؟ http://upload.traidnt.net/upfiles/Lwp30262.png الحين هذا جزا تركي الودعاني واحمد انهم يساهمون بتطوير المواقع تبعكم ويبونكم مميزين بثقافة الحوار ونشر الوعي بين بعضكم . تبون تدخـّلونهم بمتاهات بالسياسة اللي هم ماله اي شغله فيها وكافيهم خيرهم شرهم .. وفوق هذا ما يشتكون ابداً من السياسات الدولية ؟ . تكلمو عن اليهود اوكي عن الشيعة بشي مقنع ( معقول ما في مشكلة ) لكن تدخلونا بالسياسة ؟ والله محدن بيتورط ان تكلمتو بهالسياسة غير ادارة ترايدنت ( رغم الحذف والنقل ويمكن بالاخير الطرد لصاحب الموضوع ) تبون السياسة روحو للمواقع الحوارية اللي تتعلق بالسياسة . تناقشو فيه مثل ما ودكم بس الركن العام عام للحوار الهادف مو للاتجاه المعاكس . لا انا ضد المسؤول السياسي هذاك ويجي الثاني يقول لا انا معه ياخوان روحو تهاوشو هناك والا عطونا موضوعٍ مفيد على الاقل خلونا لا جينا نطلع من النت ، نطلع متصافيين . مو نطلع وبداخلنا حقد ان العضو ما اتفق معي او قاهرني هالعضو ليش ان موضوعه ما اغلقوه وانا موضوعي اغلقوه . ترى انا قد مسكت اكثر من 6 منتديات حوارية وناااجحه والله مالقيت منها الا الحقد والشر . ليش من كثر ما اقول لمشرفيني سكرو المواضيع او احذوفهن حذف جذري . لأنها مواضيع سياسية . اختلفو بـ الود بالمحبة الأخوية بينكم مو بالحقد لكن بمواضيع هادفه المثل يقول "تعلّم ولو من خصمك" بس مو معناته اني اتعلم من اللي بيورطني ويدخلني لمساءلات سين وجيم . انا بصراحة ودي اطالب من ادارة ترايدنت ان اي عضو يتكلم في السياسة او يكتب موضوع ولو "خبر" له علاقة بالسياسة لحرب او اشتباكات او مظاهرات او ايّاً كان . ينطرد فورا ً إلا موضوع القضية الفلسطينية اللي تهم كل عربي بشأن الانتفاضات او قتل فلسطيني برصاص اسرائيلي هنا يستحق التعليق فيه . لكن بدون ما ندخّل اي دولة ثانية بالموضوع عشان ما تحصل حساسيات . او بكذا بلااااااش من القضية الفلسطينية . عشان كذا اي شخص يتكلم بالسياسة والله لو اني مشرف لأطيّره بااند دايركت . بحيث اذا كتب وراه صاحب عضوية ثانية . يلحق الاول وهكذا لين البقية تاخذ عبره وخلاص يعرفون النظام بترايدنت صارم مافيه اي تهاون او تساهيل . والله ما كسرو خاطري الا هالمشرفين للركن العام بالتحديييييد مساكين ... باليوم اكثر من 20 تقفيله للمواضيع !! اكثر من 20؟؟ هذا يعني ان المواضيع المفيدة لو قلنا باليوم ... موضوعين او ثلاث ياعالم خافو الله؟ لو انا صاحب منتدى مسالم ومانع القسم السياسي ويجي عضو ويتكلم بالسياسة انا اللي بروح فيها ولو بقول هالعضو اللي كتب مو انا بيقولون ناده واذا ناديته !! وربي انواع الجحيد وبصراحة انا كتبت هالموضوع لأني اشمأزيت من اللي صاير هنا [ مدمج ] القبض على مجرم الحرب [ مدمج ] اشتباكات في مدينة ..... [ مدمج ] الشيخ الفلاني يرد على الشيخ العلاني بسبب فتنه [ مدمج ] قتل وجرحى في دولة ....... برصاص الأمن ....... خلااااص يا جماعة عطونا مواضيع مفيده بصراحة يضيق صدري اذا شفت عضو اسلوبه حلو ومثقف ويترك المواضيع الهادفة ويرد على المواضيع السياسية . ولاااااا !! يطلع شاطر بالرد بكل استفزازية على اي عضو لين تطلع حرب بين الاعضاء . لين يجي اكس فايف او اي مراقب غيره ويمسح جبهته من العرق من زود ما يلاحظ المخالفات ويقولها وانا اثق انها يقولها "لا حول ولا قوة الا بالله" ثم يكتب يقول يا اخوان بلاش تتكلمون بالسياسة فكونا . فعشان كذا لو انا صاحب منتدى وتوهقت وليه فتحت منتدى وسمحت للأعضاء بموضيع سياسية بقول العضو الفلاني هو اللي كتب مو انا يقولون رح ناده عاد اول ما ناديك ياللي وهقتني انواع الجحيد اقل شي ترد ( مع نفسك حبيبي مع نفسك ) + اسّــكرول مرتفع ضغطه :no: :icon-mos: |
| الساعة الآن 06:00 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir