|
البرد أقبل جهز الجيب والبشت http://www.mekshat.com/vb/../pix/upl...38009_mmmm.jpg البرد أقبل جهز الجيب والبشت وقدم اجازة فيه ولا تقاعد ولا تنقهر او تزعل بليلة السبت كل الليالي يالسنافي جدايد وخل المدينه واترك الهم والكبت ومكيف الشباك ولا الوسايد وارم الدوا بيديك ياعم لاخبت وشم الثرى في طعس سيله محايد اقول من كل العلل كان ماطبت ويصير جسمك ممتلي بالفوايد وترجع شباب وتترك اليوم انا شبت وارم العصا اللي وقفت بالشدايد ومد النظر لاصبحت عينك على الخبت وخل الغرف حد النظر للقرايد وجوالك اطفه ولا شوفك تعذبت وبنات حوا يبرمن الكوايد تشوف وش عندك علامك تعزبت اقطع عليهن كل هوجاس زايد من حقها تعرف علومك ليا غبت تخاف غدرت لابسات القلايد وانته مسيكينن ولا عمرك اذنبت تبي الوناسه والقنص والطرايد بيع الهموم وتابع الغيث والنبت ولا تراك بكرسي اليوم قاعد ان كنت صامل قول لي انك اثبت وقدم اجازة للعمل او تقاعد |
| الساعة الآن 06:17 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir