اهلين يا حلوين

في الحقيقة وانا اتصفح لباقي صفحات الركن العام
والله يا اخوان ضايق صديري لأني شفت في بقية مواضيع تستحق النقاش فيه وتم اغلاقه
ومواضيع مافي الا رد او ردين والغريب انه يجذب القارئ .. بس قلت وشو له ارد دام مافيه من يتفق مع رأيي او يعارضني .

المهم شفت موضوع فيونكي وشدني صراحة بخصوص اللغة الفصحى عن اشكال

انهم ليش ما تكلمو باللغة العاميّة "السعودية"

وهو صادق اللي تكلم وقال خلّوها باللهجة السعودية
فعلاً ليش اغلب الرسومات المتحركة الفيديوية في اليوتيوب "كلها" باللهجات البلدية لكل بلد .

يعني فديو رسوم متحركة بلهجه مصرية
وبلهجه مغربية
وبلهجه شامية "فلسطينية ، او سورية ، او لبنانية او حتى لو قلنا اردنية"

لا وتخيلو المقطع يواجه تى انحاء العالم الشرقي والغربي .

(( نرجع لترايدنت ))

تلاحظون معي ان اغلب الاعضاء هنا - سعوديين - .. صح؟

طيب السعوديين تلقى "بعضهم" مو كلهم يتكلمون بالفصحى ويحط حركات الفتحة والشدة ومن هالكلام ، وهذا يدل على انه مثقف وواعي .

انا ولله الحمد موظف
بس شهادتي الجامعية عكس اسلوبي اللي اكلمكم
لو علمتكم شهادتي وش هي وكم خذيت عقبها من حوافز وجوائز
بتقولون مستحيل انت اللي تكلمنا بالسعودي هههههههه
بس احتفظ بها لنفسي
ومركزي حساس بعد في احدى الدوائر الحكومية
واحمد الله على ما انعمني به من نعم وكرم .

فعشان كذا انا كلمتكم نفسي واتكلم باللهجة العامية


(( اللي ابغى اوصل له ))
------

غريب لدى البعض انهم يتكلمون بالفصحى ويبون من حواليهم بالغصب " تلميحياً " ان يتكلمون بالفصحى مثلهم

طيب انا يا اخي ما ابغى اتكلم بالفصحى
طيب ليه المصري يتكلم باللهجة تبعه
والسوري الأبضاي :)
واللبناني
والفلسطيني

يعني لو اسوي هنا بترايدنت بحث عن "هلق ، او طب -يعني طيب ، بص -يعني شف..إلخ" وغيرها من الكلمات اللي تدل على كل كلمة عامّية بلدية من الشخص نفسه .

يعني بالعربي

ليش حنا يالسعوديين ما نوحّد لهجتنا السعودية .

بصراحة مو لدرجة السخرية ولا لأي درجة من وراها تقليل من شأن شخص احد هنا او برى
انه يتكلم معك بالعامية شويات
وشويات يقول لك " دمت شامخاً ~ . ْ " هههههههه

يحط حركات سكون وفتحة وضمه يعنني مثقف باللغة الفصحى

انا ابصم بالعشرة لو سويت مقطع فديو رسوم متحركة بلهجة سعودية
بيجي عربي "مايحتاج اذكر جنسيته" ويقول ممتاز ورائع
لكن لو باللهجة تبع هالعربي ذا
بيرد واحد غيره ويقول ليش ما تكلمت بلهجتنا . هههههههههههههه

يعني يالربع
اللغة الفصحى تنطق لأربعة أمور لا خامس لهم (( وانا واثق من اللي اقوله )) :
1- لآيات الذكر الحكيم والأحاديث السنّية النبوية .
2- للشعر الفصيح والفكر الأدبي .
3- للتصريحات الرسمية من مسؤول لمواطن او لشعب .
4- لنقل المصادر "الأخبار" + تلفزيونياً + إذاعياً = صحفياً .



طيب ليش برنامج "اضاءات" ما يتكلم مقدم البرنامج او ضيفة باللغة الفصحى من اول ما ابتدى البرنامج إلى ان انتهى ؟؟
ومع داود الشريان؟
مع "حديث الثورة" في قناة الجزيرة الاخبارية




يعني تخيل قناتين ضخمة مثل العربية والجزيرة يتحاورون في برامجهم الحوارية باللغة العامية بالشكل الغالب .


احياناً احتار بصراحة ان ارد على كاتب موضوع
ان يكتب موضوع باللهجة الفصحى
ثم يرد ببقية الردود باللهجة العامّية عشان يفهّم اللي يختلف معه او مأيّده .


اللغة الفصحى مو يعني انك دكتور او فاهم او واعي ومدرك
اللغة الفصحى لها مقياسها .
عند القراءة للدين وعند الكتابة للشعر والأدب الفصيح .

لعلمكم امريكا تعتبر لهجتهم عاميّه لدى العالم كله إلا بالترجمة .
حتى اللغة العبرية "لهجه عاميّه" عندهم.

المغرب والجزائر
غالباً ما تكون اللغة الفصحى امام العالم هي اللغة العاميّة بالنسبة لهما امام العالم (الشرقي) والغربي ايضا ً .

يعني حنا مو اعجميين عندكم ياللي تتكلمون بالفصحى عشان نفهمكم ههههههههههه


اتمنى الفكرة تكون وصلت لكم

وشكرا ً يالربع .......


سكرول في الوضع الوسط وربي