منتدى استراحات زايد - برنامج غيّر نغمة الآيفون وحط أي نغمة على كيفك [ بدون جيلبريك ]

حبيت أقدم لكم هذا البرنامج الروعه في أول مشاركاتي معاكم في المنتدى ..
بصراحة أنا من يوم أشتريت الـ Iphone 4 وأنا متضايقة من موضوع النغمة اللي
ماكنت قادرة أغيرها .. وقالولي لازم أسوي JailBreak عشان أنزل برنامج
من الـ Cidya يخليني أقدر أغير النغمة !!

لكن قبل كم يوم وأنا أفرفر على النت .. لقيت برنامج روعه من موقع أجنبي معروف
وظيفته تغيير نغمة الآيفون .. ( بدون جيلبريك ولا شي ) .. البرنامج مرة سهل وبسيط
والمفروض سعر البرنامج 14.95$ دولار .. لكن بعض ما دورت في النت وجلست مدري
كم ساعه .. لقيت من موقع أجنبي كراك ( مولد السيريال نمبر ) للبرنامج ..
واشتغل البرنامج معايا 100% وغيرت نغمة الآيفون

الرابط التجريبي

http://www.xilisoft.com/downloads/x-...tone-maker.exe

موقع الرسمي اجنبي على فكر تبع البرنامج

http://www.xilisoft.com/iphone-ringtone-maker.html

لتحميل الكراك ( مولد السيريال للبرنامج )

http://www.mediafire.com/?wrr7y7co8oqqtxx

بسم الله الرحمن الرحيم
الشرح

بعد ما تنزل البرنامج وتعمل تنصيب عادي .. أول مرة تشغل البرنامج راح يطلب منك
سيريال نمبر .. شغل ( مولد السيريال ) واضغط على زر Generate عشان ينشأ
لك رقم سيريال جديد .. بعدين أضغط على زر Copy عشان ينسخ الرقم ..

دحين روح للبرنامج وحط نفس الرقم في الفراغين اللي قدامك ..
( آسفه ما قدرت اجيب صورة للخطوة دي عشان انا سويتها من اول خلاص )

بعد كذا راح تطلع لك رسالة إنو تم تسجيل البرنامج بنجاح .. ودحين تقدر تستخدمو ..

- من هنا نبدأ ونضغط الزر عشان نحدد ملف الأغنية اللي نبغا نخليها نغمة ..
طبعاً البرنامج يدعم صيغ كثيرة .. أهمها Mp3,Rm,Ram,Wav ..

2,3 - هذي المؤشرين .. الأول اللي فوق اللي هو تبع تقدم الأغنية إذا حبيت
تسمعها عن طريق البرنامج عشان تحدد نقطة البداية ..
والمؤشر الثاني اللي هو نقطة البداية للنغمة .. يعني مكان ما تحطه راح تبدأ
النغمة من هذا المكان .. لو حطيته في النص مثلاً النغمة راح تبدأ من النص .

4- هذي المربعين هي تبع نقطة بداية ونهاية النغمة .. إذا حبيت تحددها بنفسك
بشكل يدوي ودقيق .. بالثواني والأجزاء من الثانية كمان ..

5- هنا خاصية تدرج الصوت .. الأولى طبعاً تسوي تدرج ( متصاعد ) للصوت
في بداية النغمة .. والثانية تسوي تدرج ( تنازلي ) للصوت في نهاية النغمة ..
وتقدر تحدد مدة التدرج بنفسك .

6- هنا مستوى صوت النغمة .. لو كانت مرة عالية تقدر توطيها شوية .. أو العكس .

7- هنا تقدر تحدد إسم + مكان حفظ النغمة النهائية اللي سويتها ..

8- حدد هذا المربع إذا حبيت تضيف النغمة مباشرة لبرنامج الـ iTunes

9- هذا أحلى خيار في البرنامج .. إذا شبكت الـ Iphone على الكمبيوتر عن طريق
سلك الـ usb .. راح يتفعل معاك هذا الخيار .. ووظيفته بمجرد إنك تنشأ
النغمة
وتنتهي من إنشائها .. تلاقيها نازلة في الآيفون على طول ..
فلازم تشبك الآيفون في الكمبيوتر أول شي .. وبعدين تسوي النغمة عشان تنزل
بشكل مباشر على الآيفون .

10 - بعد ما تخلص من كل الإعدادات إضغط على هذا الزر وإنتظر البرنامج
لين يمشي الخط اللي تحت وينتهي .. .

الآن بعد ما خلصنا النغمة وسويناها ونزلناها على الآيفون .. نروح نشوف
الآيفون تبعنا وهل النغمة موجودة أو لا ؟

أتمنى يكون الشرح خفيف وسهل وواضح للجميع .. :

اخوكم/ عبدالله الحمد

اسف على الغيبه :hey: