منتدى استراحات زايد - سمك النجار واستفسارات عنه بمناسبة الشتوية ..!!

بسم الله الرحمن الرحيم

اسعد الله اوقاتكم بكل الخير

في البداية راح اذكر لكم هالموقف مع سمك النجار

كنت احدى الايام طالع البحر تحديدا في مدينة حقل

وطبعا الطريقة الشهيرة للصيد عندنا الارساليات

ارسلت الخيط وجلس فترة بدون ان تتحرك العلامه

سحبته لقيته معلق وقلت اكيد بالشعب ونويت اقطعه

شوي ومشى معي ويعلق ويطلع لين ماقرب والمفاجاءة

طلعت فيه نجارة حجم ممتاز واستغربت ان هالسمكه بالتحديد تعلق بالخيط

والغريب ان العلامه ماتحركت نهائي والوقت كان بالليل

ارسلت الخيط ثاني مره ورحت نمت ويوم صحيت جيت اشوف الخيط

برضو ماتحرك وجلست اسحبه ويوم قرب حسيت انه على سطح المويا

وفيه ثقل خفيف ويوم قرب للشاطئ ولا فيه نجارة طافحه على سطح البحر

ميته طبعا من الضغط بس طالعه فوق ..؟؟

وبعدها بايام رحت لنفس المكان وارسلت الخيط العصر وما ابعدته

المغربيه كذا قمت اشوف من بعيد خروم متجمعه على سطح المويا

وعندها شي ابيض رحت للخيط طوالي حصلته ماتحرك وجلست اسحبه

والا الشي الابيض والخروم تقرب اسحب اسحب والا هي نجاره

استفساري لاهل الخبرة ... وش تفسير هالاشياء

وليه النجار مايضرب بالخيط ويحركه ووش تفسير طلوعه للسطح ؟؟

وهل السمكه هاذي غزير او بامكانك تصيدها من الشاطئ

ومتى وقت تكاثرها لاني ناوي اعيد التجربة مع العلم ان الوقت اللي صدتها

بداية الصيف وكثير يقولون انها سمكة تتكاثر في الشتاء ؟؟

وهل الايام هاذي مناسبه لصيدها

وشكرا لكم