|
راعي العجراء والخروف السلام عليكم ورحمة الله وبركاته اليكم هذه السالفه ذكرتها حين قرأت سالفه النبهاني والتيس فيه مرة من المرات ذهبت واشتريت خروف نعيمي حجم xxxxl في سيارتي الصالون وركبته بالشنطه ومشيت فاتح القزاز اللي من جهتي وداق من الهواجيس اللي تفر ديلكو المخيخ وترتفع حراره الجبهه وموسع صدري اعرست في طريقي خمس مرات وبعت وشريت كناور ومعدات حتى القطار شريته وبعته مالقيت له محل وجاني فيه مكسب وبعته على طول كل هذا بالهواجيس المهم مع هذا الهاجوس الا والخروف يطب على المرتبه الخلفيه ثم الوسطى ثم على مرتبة قدام في ثواني بالرغم من كبر حجمه الا انه خفيف حركه ماعاد يمديني ولا اوقف وهو يدخل بيني وبين الدركسون يبي القزازه المفتوحه وهو يكسر رجليني ويدعس على بطني ومع القزازه وهو يتعلق بالقزازه حاولت ارجعه ماقدرت واخيرا استسلمت قمت بمساعدته بالخروج ابيه يوخر عني اشوف الطريق وانا احاول اوقف السياره الا وهو قاطع مشوار بالشارع العام احاول اخالف الطريق ماقدرت احاول اطلع الرصيف لايروح علي 900 ريال وعندي ضيوف المهم ماعاد ادري وين راح وانا اروح حول اتجاه ماضيعته فيه اشوي الاهذا الخروف قدامي احده يسار ومره يمين والقى باكستانيه قلت يالله هذي خمسين ريال لامسكتوه وهم يركبون معي يوم قربنا له وهم ينزلون وخذ ياملاحق حتى جابه الله واخذه واربط ايديه ورجليه ورقبته وللمطبخ هذي الحقيقه يااخوان الغريبه مع كبر جسمه قدر يطلع مع القزازه لكم ان تتخيلوا المنظر وهو يخرج مع قزازة الطواري انتهت السالفه ارجوا ان اكون وفقت في طرحها لكم وقبل الختام سبحانك اللهم وبحمدك لا اله الا انت استغفرك واتوب اليك وتقبلوا تحياتي |
| الساعة الآن 02:25 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir