منتدى استراحات زايد - سالفة التيس اللي تغدابي قبل ما أتعشاه

بسم الله الرحمن الرحيم
السلام عليكم ورحمة الله وبركاته
اخواني واخواتي المكشاتيه حياكم الله
أيام زمان ( سقا الله أيام زمان ) كنا شله بالمرحله المتوسطه وفي يوم ربوع مرو على اثنين من الشباب بسيارتهم الصالون
قالو حنا طالعين كشته يم قصر سعود بأبحر يالله حط عند أهلك خبر وانا ما كذبت خبر
علمت أهلي وركبت مع الشباب بين السواق والراكب علشان نبي نمر بعد ثلاث شباب وناخذهم معنا
فيه وراء الاغراض وتيس مربطين ايديه ورجليه ربعنا النشاما الاثنين مجهزين كل شي لأنهم هم راس العنه والمدبرين بالشله
فعلا مرينا الشباب الثلاثه وأخذناهم وتوكلنا على الله والمسافه بعيده من الحاره للقصر يعني سفر والطريق هكا الوقت جلد مافيه زفلت
وحنا ماشين بنصف الطريق مبسوطين سوالف وتعليق وضحك وما دريت الا باللي طب بشليلي
وحنا ننهبل خاصة أنا بغي يزوغ عقلي ( والله ياهي هبله ما جرت )
وشو هذا 000 اثره التيس الماخوذ قطع رباطه اللي برجليه ونقز من الخلف ومن فوق الشباب اللي ورا ولا يطب الا بشليلي على فجأه وغفلة منا
القزازه اللي قدام سلمت من راسه وحنا سلمنا واللي قعد به ثويبي الضعيف وراعيه لأن التيس شعطه ( قده ) من
مخباة الصدر الى كفتة الشليل وصار تقل مشلح لأن التيس عليه ظلف حاد أزين من مقص الخياط
كل هذا صار وحنا نمشي لا وقفنا ولا شي 00العيال مسكوا التيس وربطوه من جديد وانا بحلت وبلشت بمشلحي قصدي ثوبي المهم وصلنا وقلت خلون أنا اللي أذبحه وأشرب من دمه من حر موجس
وصارت هكالكشته علي انا وثوبي المنشعط من التيس 00 ماغير تعليق وضحك وحصل لي من الا حراج نصيب بسبة هالماخوذ 0
وسلامتكم
كلي أمل ان تحوز على إستحسانكم
تقبلوا تحياتي
اخوكم النبهاني