منتدى استراحات زايد

منتدى استراحات زايد (http://vb.ma7room.com/index.php)
-   منتدى أخبار المواقع والمنتديات العربية والأجنبية (http://vb.ma7room.com/forumdisplay.php?f=183)
-   -   في ظل سوق الاستضافات والتصاميم والبرمجيات ... من يحمينا نحـــن "العملاء" ؟؟ (http://vb.ma7room.com/showthread.php?t=674704)

محروم.كوم 11-17-2011 11:50 AM

في ظل سوق الاستضافات والتصاميم والبرمجيات ... من يحمينا نحـــن "العملاء" ؟؟
 
مرحبا شباب

يعني ما ادري وشلون اكتب لكم

بس طبعاً بتكلم عن الحالة اللي تحصل في (غاااااالب) العملاء المخدوعين .. مو الكل !!

لأني ما اخفيكم ... بصراحة انا مليت وانا اضحك على نفسي اني بين اخواني (في عالم الانترنت) . اني اتعامل معهم تعاملات تجارية (بيع وشراء) .

خصوصاً اذا كانو حتى من عيال بلدك مو شرط من دولة عربية .

إلى متى العميل اذا طلب تصميم او برمجة ما يلقى البرمجة او التصميم على الشكل المطلوب 100% ؟

وعند غالب العملا بعد
اذا استضاف من موقع مستضيف صاحبه من دولة عربية
ما تجي فترة سنة او 6 شهور
الا وتلقى موقعك متوقف .. لأن صاحب الاستضافة باع موقعه او مل منه وتقعد عاد انت يالعميل تلاحقه من جهة لجهة ثانية حتى بس تاخذ منه على الأقل بيانات موقعك او شي من هالقبيل تخليك تطلب منه بهالبيانات ان يسمح لك ان تنقل موقعك بالكامل لموقع مستضيف ثاني
او؟
الله يعوضك :tears:


أضف إلى ذلك !!
لما تصيب مشكلة على موقعك من عطل فني يعني توقف اداء الموقع بين يومين او ثلاثة ايام بالاسبوع
تقعد تراجعهم يا اما بالتذاكر او بالمسنجر
لين يعطيك الموظف ، الدعم الفني ، المبيعات ، والله ماندري هم كلهم شخص واحد او يتلاعبون بنا
ان "احمد" توفى ابوه
ثم يجيك ثاني يوم ان خالته في المستشفى
او ثالث يوم "عنده حالة وفاة"
حتى يثير هالموظف عاطفة هالعميل عشان غصبن عليه ياكل كوب بلاستيكي فاضي وهو ساكت من القهر .
لين يكسر الكيبورد ويسحب الماوس لين ينقطع سلكه حتى يكسر الجهاز الى ان يدعي ويقول الله يلعن ابو من صنع النت .


انا الحين متعامل مع شركة متخصصه في البرمجة
واحس انهم ناويين يجحدوني

لأنهم صحيح سوولي موقع وصممولي شكل البرمجة

لكن المزايا مو هي اللي طلبتها بنسبة 100%
وتخيلو لي اسبوعين اعيد لهم شرح وتفاصيل عن المزايا اللي ابغاه
وهم بالغصصصصصصب يبغوني اقبل بمزايا نسبتها 20% والباقي اللي طلبتها واللي قلت غيروها وعدلوها
لهم اسبوعين وهم ما فهمو
عطيتهم بعدة لهجات ولغات عشان احاول ان يفهموني
باللهجه البلدية تبعهم
وباللغة الإنجليزية < والله العظيم هذا اللي صاير
وباللغة العربية الفصحـــــــى .

والحين اطالبهم باسترداد المبلغ ولا رجعو المبلغ
لأنهم اخلّو بالعقد (اللي اتفقنا فيه بالتذكرة)
اني المفروض استلم البرمجة يوم الأحد "الماضي"
وعطيتهم مهلة لين الاربعاء "امس"
واليوم يقول عطنا مهلة

كم لنا انا وهم؟؟
20 يوم
والمفروض البرمجة تنتهي يوم الأحد الماضي من اول اتفاق بـ 14 يوم !!

وتخيلو
مؤسسة رسمية .


عشان كذا انا طرحت هالموضوع
اطالب فيه ارائكم للنقاش كوني احد ضحايا المماطلين والمستهترين في اعمال العملاء .


نقاط وتوضيحات .. اطالب فيه ارائكم :



- مافي موقع "يشكم" مثل هذولي غير (نصب كم) .
- إلى متى والعميل يثق مبدئيا في الاستضافة بحكم الاسلوب المبدئي حتى يتم تحويل المبلغ . يتغير اسلوبه من المهذب الى المماطل الى عديم الاحترام ؟ .
- متى نثق في الموقع المستضيف او المبرمج او المصمم؟ وكيف؟
- المواقع الإلكترونية عن الجرايم الإلكترونية والنصب والإحتيالات . ماعادت لها فايده وأصلاً تعمل على حساب المستضيفين من اجل الشهرة . واللي بيفتح لهم مجال الشهرة العملاء المخدوعين من الاستضافات والتصاميم والبرمجيات ، بفضل وجود أحكام وشروط تعجيزية تحبط العميل إن المواقع المتصدية "وهمياً" ضد الجرايم الإلكترونية او النصب والإحتيالات غير مسؤولة اذا موقع المستضيف "المماطل" او التصاميم او البرمجيات ما يتواصلون مع المواقع المتصدية للنصب والاحتيالات .
طيب وشو له فاتحين هالموقع اجل؟ من يحمي العميل من مماطلات واستهتارات هالشركات التابعة لإستضافة المواقع والتصاميم والبرمجيات؟
- ليه مافي مواقع تدعم شركات الإستضافة الأجنبية "ذات الثقة العالية" عن الاستضافات والتصاميم والبرمجيات الأمريكية ؟
- ليش ما تتوحد الأسعار دام فيه مواقع تتصدى وتواجه النصب والاحتيالات والغش والجرايم الإلكترونية؟
- استغرب من مواقع ذات الاستضافات ان يسمون مواقعهم "شركة" او "مؤسسة" بدون سجل رسمي من وزارة التجارة السعودية (بصفة ان اكثر التعاملات التجارية تعاملات سعودية وعلى الريال السعودي) ومن النادر في ترايدنت ولو قلنا 6% عرب يتفقون بتعاملاتهم هنا بترايدنت (وهم بيكفهم يتفاهمون لأن عمري ما قد شفت عربي غير سعودي يشتكي عربي ثاني من دولة ثانية غير سعودي) .
فعشان كذا ما ادري ، رغم قلة الجودة العالية في الاستضافات والتصاميم والبرمجيات اللي هم اصحاب هالعضويات اللي يسمون مواقعهم "شركة" او "مؤسسة" ،، وشلون ترايدنت تقبل بقليلين هالجودة اللي ما منهم فايده ، وخصوصاً من الشكاوى اللي تجي عليهم بدون فرض العقوبات عليهم إن ما عالجو مشاكل مواقع العملاء .

ترايدنت يعتبر مافيا السوق التجاري عبر الانترنت
واعضاء هالشركات للإستضافات والتصاميم والبرمجيات عم الأعضاء الفعليين في ترايدنت المسؤولين عن هالمماطلات والاستهتارات منهم وعدم توحيد اسعار الاستضافات وغيرها لصالح العميل ,
والغريب ان فيه اقسام "اسواق" خاصة بالاستضافات وطلبات التصاميم والبرمجيات المدفوعة .
بدون قسم خااااص لشكاوى عملاء هاللي يتسمون "شركات ومؤسسات الإستضافة"

طيب البلديات اللي بلدنا
رغم نشاطهم العملي ضد المحلات اللي ما تهتم بالبيئه او بالرخص ،، ويعطونهم فوق لكل محل مخالف .. مخالفة مناسبة له وغرامة ان ناسبت للمخالف .
وكذلك التجارة تدخـّـل في المحلات اللي ترفع السعر بدون وجه حق او تغش ويقفلون محله
هالجهازين هذولا "التجارة ، البلديات" ما يدعمون المواطن ؟؟؟

عشان كذا انا استغرب في مملكة مثل ترايدنت
تقبل بهالتسيّب اللي تحصل من المستضيفين ,

وكأننا في سوق سودا
(بدون ضمانات وبدون اي شي)

والله العظيم ما تكاثرت المواقع اللي فيها العاب ودردشات ومنتديات هابطة
الا بسبة الاسواق السودا في مجالات الاستضافة والبرمجيات والتصميم لشبابنا الصغار .


وكلامي عن المستضيفين او المواقع المتصدية للجرايم الاكترونية والنصب والاحتيالات او حتى ترايدنت ما اقصد بهم شي

بس اقصد شي واحد وتعطوني فيه ارائكم بحوار هادف مـــو هابط او متحيز ..
وشلون العميل يثق في الموقع المستضيف او المبرمج او المصمم .. بدوووون ادنى مشكلة؟
من يحمي المستهلك "صاحب الموقع" من؟؟؟؟ وكيف؟؟

لو قلتو الشرطة راح تخلوني اضحك وربي هههههههههه

وهذي اول مشاركة لي وتشرفت فيكم


الساعة الآن 12:26 PM

Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By Almuhajir


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227