منتدى استراحات زايد - اخواني افيدونا افادكم الله

السلام عليكم ورحمة الله وبركاته

اخواني

في مثل قديم يقول
( ان تكلمنا ندمنا وان سكتنا قهر )
والقهر موب زين للرياجيل
انا والعياذ بالله من قولت انا رجال احب الطير واعشقه لكن ما كتب لي الله عليه طريق الاوله بسبب العمل وكثرة الانشغال والثانيه ما حولي من الربع او الاخويا صقار لهذا ما اعرف في الصقور ولا علومها شيء وابي منكم تتكرمون علي حدن يعطينا علم منا وحدن منا لين نلم ببعض الشيء وانا بسهل عليكم الموضوع فيه اسئله كثيره ابي اجوبه عليها لو تكرمتوا وكلن منكم وقدرته ومعرفته وما ودي اطيل عليكم الموضوع بحط الاسئله والله يكتب اجركم ويعطيكم العافيه...

ما نوع الطير وكري حركاشف ( ايش المقصود بكاشف )
ماعمرالطير ؟؟ : ( ايش يعني او الفرق بين بكر وثنو وثالث ورابع وايها افضل )
تهجين (الدوله و نسبة التهجين والمزرعه)؟؟؛: اصيل ( ايش المقصود ب أصيل )
هل الطير طلاع على الحباري؟؟ ( ايش المقصود ب طلاع )
هل الطير يرغب الحمام؟؟ ( ايش المقصود بالحمام )
هل الطير يمسح على التلواح او يلاعب الشلو(خالي ) ؟؟ يرغبه بشده ( ايش يعني الشلو( خالي )
هل توجد في الطيرعيوب (الكوشه,نقل العلف)؟؟ ( ايش يعني الكوشه او نقل العلف )
الطير تمت جرنصه بالبيت نظرا لعدم وجود مقايض (ايش معنى هذا الكلام )
باقيله الامواس واربع ريشات من الواغر وحذف من الذيل العموديتان واكتملوا وحذف ريشه اخري ( يعني ايش الامواس )
ما المقصود ب علفه حار
ما اسماء الريش وانواعها وفايدتها يعني علومها

لا هنتوا واكيد ما بتبخلون علينا بما علمكم الله الله يعطيكم العافيه