السلام عليكم ورحمة الله وبركاته
مسيكم بالخير اخواني الاعزاء ...كيف حالكم عساكم طيبين ان شاء الله

كلنه نعرف انه الان وقت عبور ..وتخيلو فرحة الصقار اذا طرح طير...وايضا تخيلو حزنه اذا طرح طير وطار منه لحظات بعد الطرح .

هذي قصة قالي ياها واحد من الربع ...يقول لقينه مثلوثه فرخه فالبر ..المهم نطرده ونقطله قمرية ونطرحه ..يوم جو وامسكوه وهم يفكون العيون ضربت يده وطارت منهم ! يا اخوان هذا وحش ..تنزل راسك وترفعه تلفاه مختفي ..ثواني وهو مختفي.

فكيف نقوم بالعملية ؟

تم لله الحمد شبك الطير..الخطوات :

1) نحمد الله ونشكره .
2) نمسك الطير بشبكته وكل شي ولا نفك شي .
3) ناخذ الطير الى السيارة وندخله داخل ونسكر البيبان .
4) نلبسه برقع اول شي ...ثم سبوق .
5) ثم نقوم بفك العيون .

وبعده عاد كل صقار يتصرف بطريقته :)

هذي نصيحة مني لكم ...واسال الله ان يرزقنه ويرزقكم النادر

والسلام عليكم ورحمة الله وبركاته
تقبل تحياتي
اخوكم
فالكن 1