|
مخزن - شد بلد - رش تجميلي بسم الله الرحمن الرحيم السلام عليكم ورحمة الله وبركاته اليوم موضوعي غريب وما غريب الا الشيطان لي فتره طويله احب اتصفح سوق السيارات عن طريق الاسواق بالانترنت وشد انتباهي تكرر ثلاث كلمات في غير موقعها : 1 - شد بلد 2 - مخزن 3 - رش تجميلي نجي عند كلمة شد بلد : كلمة شد يقصد بها ربط الاجزاء بعضها ببعض بمشد او حابس والمقصود بها كشد بلد ان هذه السياره على شدة مصنعها لم يحرك بها اي جزء تحت اي ضرف من الضروف ولكنها صارت تستخدم في سياره موضبه مكينتها موضب قيرها مغير في شكلها ولا اعلم ما ذا يقصد بقوله شد بلد اذا تم فكه شي من اساسيات السياره وللاسف الشديد انه يزعل كل الزعل لو قلت له ما هي شد بلد . لا ويصدمك يقولك حادث وغيرت رفرف وكاله وصدام يعني شد بلد للعلم بالشي فقط اي تغير ولو كان بالوكاله نفسها يلغي كلمة شد بلد لانه وببساطه لا يمكن تركيب اي قطعه اساسيه للسياره كما كانت بالمصنع نهائيا واكبر دليل لو قلت لك ركب مكينه بالوكاله ورح اردى ورشه بيطل من تحت يقولك مكينه مغيره لو بتركب صدام او رفرف الفاهم بيعرف انه تم تبديل الرفرف ليش ؟؟؟؟ لانه ماهو شد بلد . كلمة مخزن : هي كناية عن ندرة استخدام الشي وليس قلة استخدام وهنا يحكم المخزن نوعية السياره فلكي نقول مخزن ننظر لنوع السياره اذا كانت سياره للاستخدام اليومي فالطبيعي تقريبا ان تقطع كمتوسط 30 الف سنويا وما من سياره يكون معدل استخدامها السنوي وهي من هذه الفئه اقل من نصف المتوسط الا ويمكن اعتبارها مخزنه لكن لو جينا مثلا الى السوبربان على سبيل المثال نجد انها سياره عائليه تستخدم قليل جدا جدا فكثير ما نرى سوبربان معدل متوسط المسافه التي يقطعها 13 الف سنوي هنا نقول ان السياره هذه تستخدم لحاجتها ولكنها لا تعتبر مخزنه لان هذه هي طبيعة السياره واستخدامها فلو وجدت مثيلها قطعت اقل من نصف هذه المسافه فهي مخزنه نجي مثلا السفاري الجيب فعلا صعقت لندرة ان اجد جيب سفاري 2005 ماشي اقل من 200 الف يجي واحد يقولك مخزن اذا احنا الان 2011 يعني 6 سنوات معدل استخدامه لها تقريبا 30 الف سنوي على اقل تقدير فعباره انها استهلكت استهلاك وافي لحقها نجي كلمة رش تجميلي : كلنا يعلم ان من موديل 2004 تقريبا جزء من السيارات ثم اصبح الاكيد من موديل 2006 وفوق لا يوجد هيكل يمكن سمكرته فالرفارف لابد تغيرها والابواب لابد تغير الا بحالة عدم وجود ثني او قطع فاذا كان هناك ثني او قطع وجب التبديل واستحال السمكره فيجي واحد يبدلها ويرشها وفعلا يطلع رش تجميلي لكن لو لم يكن هناك ثني او قطع يمكن تعدل دون ان تذهب البوية للسياره يعني بتبين معاك . يمكن يحدث رش تجميلي في حالة تضرر من اشعة الشمس لكن بصراحه صعبه شوي تتاثر سياره بصوره واضحه وهي موديل 2007 وفوق يمكن تتاثر لكن ليست بصوره واضحه جدا او مشوهه لذا بعد هذا كله ارجوا من الاخوان محاولة التفريق عند الاعلان او السؤال عن هذه الكلمات وكل واحد فينا حلاله عنده يسوى الدنيا وما فيها وحلال غيره ما يسوى فاذا جاء يبيع يزعل من كلامك لا صارحته بالعيوب واذا جاء يشتري منك ما سلمت من عذاريبه تقبلوا تحياتي . |
| الساعة الآن 08:43 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir