منتدى استراحات زايد - سالفة الصبيان الأثنين

بسم الله الرحمن الرحيم
السلام عليكم ورحمة الله وبركاته
اخواني واخواتي المكشاتيه مشرفين وأعضاء وزوار
حياكم الله
فيه اثنين أصحاب محلات جيران وكل واحد منهم عنده صبي ( عامل ) وبيوم من الايام سيّر واحد منهم على الآخر
ومن ضمن السوالف قال واحد منهم يا أخي عندي صبي دابلن كبدي دبشةٍ من هالدبش ولا يدري وين الله حاطه
قال الثاني ليه وش فيه
قال شف قدام عينك 0000 وقام ونادى صبيه وقال له خذ فلوس و ودهن البنك ودخلهن بحسابي
قال الصبي000 سم وراح
قال شفت وشلون راح والفلوس ما أخذهن
قال خويه صاحب المحل لا تشكي لي أبكي لك صبيي أردى من صبيك وأبي أوريك وش لون هالحين
قام ونادى صبيه يوم جاء الصبي قال له رح ناد جاري أبو فلان ( يقصد جاره اللي جالس عنده )
وراح الصبي لمحل جاره علشان يناديه
قال شفت يا بو فلان هماي قايل لك انه أردى من صبيك
تقابلوا الصبيان بالشارع وقال الاول والله يا عندي عم ما شفت مثله داج وضايع الضحى وسط النهار
قال الصبي الآخر وشلون
قال 0000عمي يقول لي ود الفلوس للبنك ودخلهن الحساب وحنا بعد المغرب ما يدري ان البنك هالوقت مقفل
قال الصبي الآخر والله ان عمي أردى من عمك قال له وشلون
قال 0000 عمي يقول رح ناد جاري ابو فلان والتليفون بجنبه ما أتصل فيه 00000 وسلامتكم
كلي أمل ان تحوز على إستحسانكم
تقبلوا تحياتي
اخوكم النبهاني