احذروا من هالرجال
 

<div><div align="center"><i>السلام عليكم ورحمة الله وبركاته
..
بدون مقدمات يا اخوان بدخل بالسالفه ع طول وانتم احكموا وانا الصراحه ضاقت الدنيا علي لا اقنص ولا استانس مثل غييري
السالفه وما فيها حصلت لي طير هنا بالمنتدى واعجبتني علومه وزود ع كذا ريشته حلوه
وقلت ان شاء الله اتوفق فيه
المهم كلمت الرجال ومنا ومنا وصفينا ع السعر وتوكلت ع الله وتدينت وشريت الطير ب 13الف تقريبا ب25 رمضان اللي راح والطير مصفي وجهاز اللهم دعوا وتطليق المهم قنصت ب 29 رمضان للشمال وقت القمري والطير كان معي اول اسبوع بس الجوا حار ورديته مع ولد عمتي للرس
بعد ما رجعت من المقناص ب 25/10 وابدا انقل الطير الا يوم تغير علي الطير ويصيح صياح قوي وراعيه يقول صيحه خفيفه قلت مو مشكله المهم راكد وذابح ولا ينقل العلف ومعي طيري الثاني فرخ العام وانا بعطي رجال دراهمه اذا بعت طيري الا وتجي المصيبه يوم فحصت الطير الثاني الا فيه التهاب بالكبد والرئه قلت خيره واعالجه ومخليه بالمربط بعد كم يوم جيت للطير وحصلت النايفه منكسره مع الجماره وروح لمستشفى عنيزه قالوا ما توسر المهم اظطريت اني ابيع الطير الجديد وعرضته هنا بالمنتدى ع كلام راعيه الاول اللي علمني فيه وجاني رجال من الرياض وقال ابفحص الطير قلت ع خير انا فاحصه بمستشفى عنيزه والطير ان شاء الله انه سليم قلاع وكوكسيدا وعطيتهن اياه قال زين واخذ الطير وبعد يومين دق علي قال الطير مريض من يوم انه فرخ وبكر مرقد بالمستشفى والعام مفحوص والمرض فيه يعني مزمن قلت وش فيه قال التهاب بالجيوب الانفيه قلت ع خير رد الطير والله يجزاه خير ويرسل الطير علي وانا اكلم راعيه الاول قلت الطير فيه كذا وكذا وانت شارط علي ان ما فيه شي قال انت فاحصه قلت ايه بمشتفى عنيزه ولا فيه شي بس بالرياض الطير من يوم انه فرخ وهو مريض ويعتبر مرض مزمن قال انا ما ادري عن هالشي ذا وانت توك تجيني بعد شهر قلت انا كنت قانص لا نقلت الطير الا اسبوع لا فكيته ولا شي قال ماتقدر ترجع الطير ولا عندي لك دراهم قلت الطير فيه مرض مزمن وهذا عذروب شرعي وكل الصقاقير تعرف الشي ذا المهم الرجال رفض وانا ما بيدي حيله وكلمت راعي المستشفى وعلمته بالسالفه قال جب الطير وفحصه ع حسابي توكلت ع الله ورحت لمه من بكرا وفحص الطير وقالوا ما فيه شي الطير سليم قلت ع خير وبيض الله وجهك ويوم بديت ادعي الطير وجناح الطير ما عليه طيب وياخذ 30 او بعض المرات 40 ملواح وبعدين يفحم قلت يمكن الوقت وكذا المهم قبل اسبوعين كنت قانص بالصمان افرع للطير مو راكد ابد ويكافخ ويصايح حاولت فيه ابد الطير مخالف الركاده وصياح ودك بس تسكر بوزه بس بالبرقع راكد قلت يجيب الله حبارى يمكن يركد الا بعد يومين ويجيبه الله واحاول افرع لله يكافخ ما فيه فايده المهم جابه الله ودرجناه للطير ما فيه ما يعرف الحبارى والرجال قايل انه ذابح الحبارى المهم وقلت لواحد من العيال واكبرنا يبو فلان هد واعزل والرجال هد وعزله ووريته العصر يطلبه واذا ضربت الارض جنب عنه المهم علمته وذبحه ...
والرجال اللي باعني الطير غشني وانا بعطيكم علم الطير من الرجال واللي شفته انا بالطير وهل لي حق ارجع الطير ولا لا
والصراحه انا منغبن ولا علي من هالرجال يوم يغشني الا اني اشهر فيه ولو يقولي خذ الطير بلاش ما اخذته
المهم شوفوا علم الطير وانا بحط اللي شفته

.......


سلام عليكم ورحمة الله وبركاته ,,طير واحد من الاخويا طلب عرضه رقمه اخر الموضوع للاستفسار والتوفيق للجميع
ما نوع الطيرحرمغتراصيل
ماعمرالطير ؟؟ :ثنوينقل ثالث
ما(قياسه او وزنه)17*17 ..... الطير طوله 17 عرضه 16.5
وحش(الدوله المطروح بها ) ؟؟ لااعلم
تفريخ (الدوله والمزرعه)؟؟:لا
تهجين (الدوله و نسبة التهجين والمزرعه)؟؟؛:لا
أين مكان الطير حاليا (المنطقه / المدينه)؟؟:مربوط القصيم بريده
هل يوجد توصيل داخل اوخارج دولتك؟؟:لا
ماهي الحاله الصحيه للطير؟؟ :ممتازه .... الطير يوم انه فرخ مريض فيه اتهاب مزمن بالجيوب الانفيه وبكر مرقد بالمستشفى
هل صاد الطيرالحباري؟؟ نعم...... وريته حبارى ما يعرفه
هل صاد الطير الكروان؟؟ لا اعلم ..... للامانه جاب الله كروان وهديته وذبحه
هل صاد الطير الارنب؟؟ لا اعلم
هل الطير طلاع على الحباري؟؟لا
هل الطير يرغب الحمام؟؟ نعم
هل الطير راكد على التكايه ؟؟نعم راكد ..... بالبرقع مسمار
بـدون بـرقـع ( مفرع ) ؟؟ نعم راكد ..... ماهو راكد كسر تكايته مرتين
هل الطير يمسح على التلواح او يلاعب الشلو( نعم
هل توجد في الطيرعيوب (الارتفاع,الكوشه,نقلالعلف,الصياح)؟؟الطير حار على العلف ويكوش .... يحرب ويخبطك عند العلف

هل توجد عيوب اخرى لمتذكرها؟؟ فيه صيحه خفيفه جدا .... صيحه قويه

ماهو حدك في الطير أو اخر سومه للطير ؟؟؟ نسمع من الوجيه الطيبه
ملاحظات اخرى : الطير مخرج من طيور الامير نايف وجناحه الطير طيب...للاستفسار جوال 0504111078 ابوفهد