|
سلطــــان النحـاوي السلام عليكم ورحمة الله وبركاته اولا اسف ع الانقطاع الطوييل ثانياَ جبت هذه القصه والقصيده آمـــلاَ ان تحوز على رضاكم قصه القصيده للشاعر الذي عرف بلقب النحاوي عبر جهاز النداء قبل سنوات ..... وهو الشاعر سلطان الرشيدي ( أبو غانم ) وقصة الأبيات هو أنه كان ساكن جنبه واحد , وكان هذا الرجل منزعج من صوت النجر بعد كل صلاة فجر ... والجار جاي من الخارج ... ... فالرجل تضايق من دن النجر ... راح وأشتكى عند الشرطه .. ولا درى الشاعر الّا وهم مستدعينه ليه عسى ماشر .... لا كفاله وما كفاله ..... خير ان شاء الله يقول رحت يم الضيوف وعديت على القهوه جارلي وقلت عن اذنكم مشوار واجـــي ورحت يـــم المركز و الا هذا جاري ... ليه عسى ماشر ياجاري ... يمر الجار يتصــدد ما يـــبي يكلمني عسى ما شــر يا حضرة الظابط قال لا جارك يبي كفاله تكفله ؟؟؟؟ يقول اكفله وش المشكله .... تكفله ؟؟؟؟؟؟.... قلت اي نعم .... قال جارك مشتكيك !!!! ليه عسى ما شــر يالجار يقول انك مزعجه بدق الناقووس ( الناقوس اللي يوجد بالكنايس وهو اشبه بصوت النجر ) .....! يقول ما دام الدعوه كذا حتى انــا ابشتكي جاري ... جاري عنده صياح ديك ونباح كلب ولا يخلينا ننام ... ضحك الظابط وقال توكل على الله .... يقول رجعت للبيت و قلت هالابيات : يانجـرنـا مــن شـــان جـــاري هـجـرنـاك أخــــاف يــزعــل جــارنــا يـــــوم يـوحــيــك أخـاف تزعـل جارنـا الصـبـح بـعـواك حيـثـه مـاهـو مــن لابـــةٍ تعـتـنـي فـيــك آآه يــــــــاويـــــــــلاه يــــــــالـــــــــدور هـــــــــــــــــذاك يوم الرجل في مجلسـه يفتخـر فيـك مـاهــو بـجــارٍ يشتكـيـنـي لـيــا اوحــــاك سلط عليك الوقت ما أكثر بلاويك آمل ان تحوز على رضاكم |
| الساعة الآن 03:48 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir