|
سالفة:شارع التلفزيون..قوافي صبحكم /مساكم الله بالخير جميعاً حقيبة الذكريات مليئه بالكثير من المفاجئات والمواقف السعيده والحزينه والمضحكه ونقف عند المضحكه كثيراً لانها دائماً قليله وعادةً لا نتذكر إلا مايتعبنا ..ليه ؟؟؟مدري وهو اقرب مخرج شارع التلفزيون كان حلم من الاحلام اللتي اسبح بها بعالم الخيال..فقد كنت ارى هذا الشارع شيئ عظيم ومازال لاني عرفت ما يعني عندما كبرت.. كنت اتوقع ان كل ما كنت اراه على شاشة التلفزيون موجود بالشارع وهو حيهم اللذي يسكنون به كسكان الشميسي والملز والعطايف بتلك الفتره.. وبعد ان عرفت انه مسمى على مركز التلفزيون السعودي ولا يوجد به ناس تفاجئت اجل من وين يروحون ويجون ويطلعون بالتلفزيون.. وكان لي نصيب ان احضر بعض حلقات برنامج الاطغال وهذا ما حدث: اول شيئ تجمعنا بمكان يدعى استديو وفيه ازعاج كثير ولمبات بعدد النجوم وبزارين تصيح كأنها مخطوفه تبي امها وكنت متفائله يوم اجي ولكن مع الفوضى تبخر كل شي ولفت نظري المذيع طفل مثلنا وكان ميت من الصياح وما يبي يسجل الحلقه وهو كل اللي عليه بعد ان يسمع: تم تريرم تيري رم تيري رم....برنامج الاطفال!!!يقول السلام عليكم ويعيد اهلاً بكم ببرنامج الاطفال.. المهم اني قلت لهم اني اعرف اقراء ازين من الولد واقدر من غير ورقه اقدم ..رفضو !!! ليه؟؟ولد المعد للحلقه وهو اولا من غيره.. حلقة ابوه..ياسبحان الله المهم انتهى التسجيل وما شفت غير صفقو على ايش مدري ونصفق .. قولو باي باي ..قلنا باي باي ..برضه ليه ؟؟ مدري!!ويوم خلصنا اسئل حرمه حطينها لنا يالبزارين ولا أدري وش موقعها الاعرابي غير ان الضعيفه تكدكد الشوش وتمسح الدموع وتواسي ملابسنا الكشخه للتصوير وتودي اعزكم الله من يريد؟؟؟ وتعود به لايضيع بممرات المحطه.. ليه ما شفنا زي اللي نشوفه بالتلفزيون ؟؟؟قالت: بتشوفون بتشوفون..ياله ياحبايبي بابا يستناكم برا ياله ياله طبعاً تصريفه.. وطلعنا مثل ما جينا لكن مع تبخر احلامي عن روعت هذا الصندوق اللذي لا يشبع من الثرثره..واكتشفت اني اقابل شاشة التلفزيون اصرف من الدخول إلى عالم فوضوي ومكركب مع احترامي للتلفزيون السعودي وبالذات قسم الاطفال ..مع العلم ان هذه الاحداث كنت وقتها بمرحلة التمهيدي اي قبل الدراسه الأبتدائيه.. الان وبالوقت الحاضر ارى التغيير والفرق الشاسع مابين اليوم والامس بمحطتنا الكريمه بقنواته المتعدده احمد ربي على التطور ومواكبة العصر... تحياتي اختكم .. قوافي.. |
| الساعة الآن 07:12 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir