|
لا تحاول تعيد بدمعتك ما مضى لا تحاول تعيد بدمعتك ما مضـى ما تداوي دموعك جرح طول البعاد إنتهى الحب يا اللى بيننا وانقضـى ولا بقى لك بقلبي غير ذكرى وداد كنت أجيك بْخفوقٍ فيه حبّ ورضا وكنت انته حبيبي غايتي والمـراد وكنت أشوفك حياتي جوّها والفضا وكنت يومٍ تغيب آموت هَمّ وْ نكـاد بس خِذْها بْصَراحه القضا بالقضـا ذوق كاسٍ شربته منْك اسمه عنـاد يرفض القلب مثلك به ودادٍ حظـى دامه انسان مثلك قطعةٍ من جمـاد ما تعيش المشاعر في خفوقٍ فضى كيف تبني ودادٍ له عنـادك عمـاد يا فقير المشاعر، يا شتات الشظـا المحبّه بوادي، وانـت والله بـواد |
السلام عليكم و رحمة الله و بركاته .. ذكرتني الخاطره بقصه كانت تقولها لي اختي لما كنت صغيره .. الله يسلمج القصه تقول :: كانت عائلة الوجوه (HAPPY FACES )<< اظن تعرفينهم .. كانت هالعائله كلها فجزيره .. و فجأه انقلب الجو من مشمس لعاصف .. فكل الوجوه خافت و قالو انهم لازم يغادرون الجزيره بأسرع وقت .. اللي صار ان كل الوجوه ركبت القارب عسبت تغادر الجزيره .. بس الوجه العنيد و المغرور .. ما رضا يركب القارب .. فنزل الوجه اللي يسمون الحب .. و قالهم انه ما راح يغادر من دونه و راح ايبه و يلحق القارب الثاني بعد فتره صغيره .. فالقارب اخذ كل العائله ما عدا الحب و العناد (الغرور) .. و قعد الحب يقنعه بس ما رضى يغادر الجزيره بسبت غروره و عناده .. و فجأه يت العاصفه قويه و قتلت الحب و العناد .. يعني الخلاصه من كل هالقصه ان العناد و الغرور يقتل الحب .. الرب لا هانج على هالخاطره الرائعه .. و تقبلي مرور المتواضع .. و اسمحيلي ع الهذره الزايده خخ .. اختج :: dobloma3seyah .. |
الله على الخاطره تهبل وبالرغم من الكبرياء الموجود فيها الا ان بتخللها حزن كبير جداا دبلوماسيه *_^ استمتعت بالقصه تبين الصج ههههه تسلم اناملج الغلا على القصيد الحلووو |
السلااام عليكم .. ما شاء الله عليج ابدعتي .. الخاطرة روووع ــــه .. الله يعطيج العافيه .. تقبلي مروري .. اختج: شموخ بنية .. |
اشكركم على المرور الرائع |
| الساعة الآن 02:16 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir