منتدى استراحات زايد - سالفة:شعيب الطوقي..قوافي

السلام عليكم ورحمة الله وبركاته
هلا ومرحبا بالجميع
بمناسبة هطول الامطار على بعض مدن المملكه الحبيبه يعني حولنا وحوالينا بالرياض اللهم اكرمها بسيلك..
تذكرت سالفه صارت بشعيب الطوقي من فتره طويله وهي:
كان فيه مجموعه من الشباب طالعين للطوقي وبما ان عددهم كثير اتفقو مع هندي يساعدهم بتنضيف كل ماهو خاص بهم وكانت سنة خير وبركه امطرت وسالت الشعبان وامتلئ شعيب الطوقي وغيره من الشعبان الاخرى.
اقامو خيمتهم قريب من الشعيب وكان هنديهم يكثر من الكلام عن السباحه واشتياقه لها وانه دائماً يسبح وهو بطل بالسباحه وانقذ غرقى بمراكب صغيره وصجهم بالكلام والعيال مايبون يسكتونه وهو متحمس بالاعمال البطوليه!!
ويوم جا من بكره لين الشمس حاره وجا الهندي يبي يسبح !!
حاولومعه انه يفهم ان هذا شعيب غير شعبانهم وطين وصعب ان احد يساعدك وهو مليان يدربي ...
والهندي مصر ايوه ايوه انا فيه مئلوم انتا مافيه خوف انا سباه كبير....ملو منه العيال قالو له بكيفك بس ترا ماأحد بيساعدك رح..
طبعا هم خايفين عليه وبيبلشون به لو صار له شي فتركوه يروح وهم يراقبون واستعدو وشبكو واير السياره على السياره وقربوها وشماغ بشماغ استعداد للغرق ..
والهندي ما كذب خبر وعلى الشعيب وفصخ وطططططببببببش بوسط الشعيب يوم نزل وما عاد طلع وشوي إلا وهذاه ينادي بابا ..انا في مشكل هدا مافي كويس بهر بابابابا وذولا يناضرونه ويقولون مانقدر نطب قايلين لك هذا شعيب غير شعيب هندي
وقعد يصيح وراحت البطوله دموع و...بلوبب بلوبب شرب ماء لما طفح ..
ربطوالعيال واحد منهم بالشماغ والواير احتياط وطب وطلعوه بعد ما انفجر قلبه من الخوف ويوم نجا قال:
والله بابا انا الهين فيه مئلوم بهر انتا جير بهر انا أوووووه ياربي
انا فيه موت شوف ..
وعقبها قاله واحد من العيال جب ماء من الشعيب انهبل وقال لالالالا انا مافيه يروح انا مجنون روه بهر سئودي لالا..
تحياتي
اختكم
..قوافي..