منتدى استراحات زايد - ما خاب من أستشار ( f250)

السلام عليكم ورحمة الله وبركاتة

أخواني حبيت اخذ مشورتكم في موتر انعرض علي من قبل صديق لي
وهو وانيت فورد f250
للامانه انا كنت رغبان في الجمس حوض لكن أسعارها مبالغ فيها جداً كلها فوق الأربعين ألف وما عندي هذا المبلغ

لكن هذا الفرد سعره أقدر أدبره وفي متناول يدي بأذن الله
الموتر بشكل عام نظيف كا محركات والحمدلله , قير عادي دبل فرار 8 سندل
ماشي فوق 300 ألف تقريباً اما البدي جيد جداً مافيه سمكره والأستمارة والفحص جديد

الرجال طالب في الموتر 23 ألف وعرضه في موقع ولا جاب غير 20 ألف بس وهو يقول أشتراه ب26 ألف

اخواني هل الموتر يستاهل هذا السعر ؟

أنا عندي خبره في الجمس بما اني معي يوكن من 7 سنوات تقريباً
يعني عارف أسعار قطع الغيار وكيف تحمل الموتر وقوة المكينه

لكن الفورد ما اعرف عنه شيء كبير للأسف ولا أعرف كيف قوته في البر
انا أحتج الموتر في الديره بس وطلعات البر بشكل بسيط يعني ما أبيه لسفر أو مشاوير طويلة

شاكر لكم اخواني وفي انتظار ردودكم ومشورتكم