السلام عليكم ورحمة الله وبركاته

كيفكم شباب وكل عام وانتم بخير

مالي في المقدمات وبدخل في الموضوع مباشره

تعرفون في هذا الوقت دخلنا في الشتاء ووقت البرد القارص

فبغيت انبهكم لسالفه صارت معي اليوم .. كنت رايح لمشوار تقريباً الساعه 12 في الليل .. نزلت من البيت ورحت للسياره فتحت الباب وشغلت السياره .. الا واسمع صوت ماهو طبيعي انا قلت شكل المكينه خبطت من البرد .. فجأه سمعت صوت صياح قطو .. فطفيت السياره مباشره ونزلت فتحت الكبوت الا وهذا القطو طمر من الكبوت وحط رجله في الشارع وماشفت الا غباره .. فانا اندهشت وبنفس الوقت انبسطت اني ما قتلت هالقطو

فتعرفون اننا بوقت شتاء وبرد قارص جداً والقطاوه تحب تدخل داخل السيارات حتى تتدفاء من هذا البرد

فحبيت انبهكم يا اخوان قبل تشغلون سياراتكم حاولوا انكم تفتحون الكبوت قبل التشغيل وتدقون الحدايد اللي داخل كبوت السياره او بالضرب على الكبوت حتى القطو يخاف ويطلع .. فماودنا اننا نقتلها .. وفي بعض الاحيان ان تركتها تجدها تخرب سيارتك لا ماتت من السير والمراوح تتعلق فيها واحتمال ينقطع السير او تتكسر المراوح ويطلع لك بالسياره ريحة تعفن شديده القرف وغير خساير التصليح




وحبيت انبهكم والله يوفقكم حبايبي