لا تكبرون راس الشركات علينا
 

ياإخوان لا تكبرون راس الشركات علينا الله يرحم والديكم والله قيمة السيارات شابه نار سواءً من تويوتا وإلا نيسان والهيونداي في الطريق وترى الوكالات لها ناس متخصصين في المنتديات يشوفون ردة فعل الجمهور عن مواترهم والدليل الجيب fj طار طيرة فووووووووق من كثر الناس ما تمدح والسيارة تصنع في أمريكا وش دخلها في زلزال اليابان (( شي عجيب )) وكذلك الهايلوكس الدبل والعادي وال gxr فل كامل واصل 213900 ريال والجيب الربع إلي كانت قيمته 75000 فل كامل واصل 121650 يارب استر والجيب الربع النيسان 2012 فل كامل واصل حدود 180000 ريال يالطيف الحال تلطف يالطيف ياخي والله حرااااام.

والمشكلة التجار يقولون بسبب الفيضانات ...

سبحان الله يعني الفيضانات ترفع الأسعار شي غريب إلي نعرفه إن الكوارث الطبيعية تحطم الأسعار تحطيم عشان تعوض الشركة ما خسرته ولو تم البيع برأس المال أو بخسارة بسيطة لأن السيارات تصنع من الحديد والحديد سعره عالميا ً غير مرتفع والتجار عندنا خلو الحديد أغلى من الذهب كل يوم وهم رافعين أسعار السيارات والسبب مدح الناس في المنتديات ..... آآآآآخ يالقهر.

وبعض السيارات الإمريكية مثل الإكسبلور واليوكن والتاهو وغيرها من السيارات كل مانزل موديل رفعوه من خمسة إلى عشرة آلاف فكونا من مديح السيارات إلي ماله لازم الله يرحم والديكم وخلو الناس تعيش حياتها وتشتري ماترتاح له وأنت مستحيل تقنعني في سيارة ما أرغبها ومستحيل تقنعني في شركة أكرهها خلاص خلي مديحك لنفسك وإذا شاورك واحد لا تعطيه المشورة قول له روح استأجر موتر وجربه بنفسك يمكن يعجبك ويمكن ما يعجبك لأن الناس أذواق وتختلف من شخص لشخص ممكن ترتاح لشركة معينة أو سيارة معينة وأنا ما أرتاح لها ولا أرغب فيها والسيارة عشق متأصل في الشخص مستحيل يتغير ألم تسمع قول أبي فراس الحمداني/////



تكفون ياشباب خلونا يد وحدة ونبطل من المقارنات والدعايات إلي نسويها وندافع عن

بعض الشركات إلي ما تنفعنا وتضرنا وتضر غيرنا والسبب احنا إلي جالسين نسوي

دعايات لهم من دون ما نشعر وهم مبسوطيييييين على الآخر ...

إحنا شغالين نمدح وهم شغالين يرفعون الأسعار وهاتك مديح وهاتك رفع أسعار....