|
بمناسبه العيد اليكم هذه السالفه عن العيد من اول مع الصور السلام علاكم ورحمة الله وبركاته اليكم سالفه العيد بمناسبه العيد وكل عام وانتم بخير كان في السابق الكل يفرح بالعيد اكثر من هذا اليوم وخاصه الاطفال فهم اشد فرح حتى يحصل على ثوب العيد والذي تم تفصيله من قبل بعض النساء المتخصصات بالخياطه والتفصيل وهو من قماش الخام للي حالتهم الماديه ماتساعد ومن قماش الدوبلين ابو تفاحه يسمى لوجود ثلاث تفاحت على الطاقه او الكرجيه للناس اللي حالتهم الماديه جيده اما البنات فهن يلبس ملابس من قماش الروز والزبده والشيفون ويلبسن المخنق فوق الراس هذا ما استطيع ذكره الان فتحصل الاطفال خاصه الاولاد على تكبير مخابي الثوب للحصول على عيدتيتهم من القريض والملبس اما البنات فالبعض يستعملن الطاسه او السحله والبعض شنطه اوكيس صغير من القماش حيث يذهبون الى الجيران والاقارب ويطرقون الابواب وهم يقولون ابي عيدي عادت عليكم جعل الشر مايجيكم ومن هالكلام وينتظرون عند الباب فالبعض يفتح الباب يعطون الاولاد العيديه والبعض اموره لاتساعد على مشترى هذا القريض والملبس فلا يفتحون الباب ويطرقون الباب مرة اخرى وهم يقولون هذه الكلمات نسوق الحمار ولا نوقفه يعني نمشي والا ننتظر فأن لم يفتحوا الباب يقول هذا الرد قبل ان ينصرفون عشاكم شط الفار وبوجعا يدله ومن هذا الكلام وله تكمله بس ماذكره زين وفيه شباب يوقوفون في دروب الاطفال معهم عصي من الخيزران يسمونه عرق فاذا مروا من عندهم يوقفون الاطفال ويقولون لهم قمرق ( يعني جمرك ) حسب اعتقادي وياخذون كل اللي معه من الحلوى او اذاكان البعض منهم معه نقود ياقرشين او اربعه قروش ويذهبون الاطفال الى بيوتهم وهم يبكون نعود الى السالفه اخيكم راعي العجراء وخذ منه كم مره ويوم صار عمري فوق العشر بقليل اخذت معي عصا اسوي اسوات الشباب اللي ياخذون القريض وانا اوقف بهاك العاير ومن مره لحطته واخذت اللي معه وعلى الحل يوم امتلت مخابيي من هالقريض الا وثلاثه سباب اكبر من وهم ياخذون عصاي ويجلدوني جلد وياخذون كل اللي معي دون كلام او مفاهمه وانتهى كل طموحي باني اصبحت من الشباب اللي يقمرقون واعتمد على نفسي للحصول على القريض واصبحت مثل اللي يدور الصيده والصيده بضهره انتهت السالفه وارجوا ان اكون اعطيتكم فكره عن العيد من اول ولكم خالص محبتي والمعذره كتبتها على عجل لضيق وقتي وقبل الختام سبحانك اللهم وبحمدك لااله الاانت استغفرك اللهم واتوب اليك http://alweeam.com/wp-content/uploads/41011.jpg http://www.iraqitorath.com/%D8%A7%D9...s/image023.jpg http://www.sudeer-up.com/up/uploads/...f2138a1cc8.jpg http://www.sptechs.com/emarket/thumb...s/item5543.gif http://farm2.static.flickr.com/1270/...953a76d311.jpg http://www.binuae.ae/wp-content/uplo.../original5.jpg http://center.jeddahbikers.com/uploa...2875883941.jpg |
| الساعة الآن 02:04 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir