مشكلة في القير الباثفندر 2005 !!! أرجوا الافادة بالمعلومة
 

السلام عليكم ورحمه الله وبركاته

يالله حيي شباب موقع مكشات



المشكله عندي في قير الباثفندر موديل 2005 طبعا القير عادي

والمشكله هي في النمره 1 و 2 يعني اذا مشيت بنمره 1 وبغيت اغيرها الي نمره 2 مايلقم يعني يدقر

لو تضغط عليه بقوه اتوقع تكسر عصى القير من قوتة

واكثر مايطلع في النفود اذا صرت امشي يعني السيارة في نمره 1 اذا بغيت احطها في نمره 2 مايلقم

لازم اوقف السياره وادبل الكلتش مرتين او ثلاث علشان يلقم

وهذي مشكله اذا صرت في طلعه وبغيت تغير المره تخليها في 2 لازم توقف السياره يعني بالعربي يطيح العزم

وتبلش !!!!

وسالت راعي ورشة وقالى غير الدسك والدزق والفحمات الكلتش وتضبط معك !!!

المهم انهم نزلوا القير وغيروها !!!

ولا ضبطت معي ...

وحتى اذا بغيت ارجع ريوس وضغطت على الكلتش علشان تدحدر السياره تسمع صوت طقطقه من عند القير او من الدفرنس يعني فيه فضاوه غير طبيعيه تحس الموتر متفكك ،،،

المهم ان هبلبي القير

الي حصلت له المشكله او يعرف طريقة حلها لايبخل علينا بالجواب

والي عرف ورشة اختصاصها تصليح قيور العادي يدلنا عليها

الله يجزاء كل من رد على موضوعي بالخير

والله يعطيكم العافية


وشكرا