منتدى استراحات زايد - الشايب العزوبي والقطـــو ! ! ! !

بسم الله الرحمن الرحيم ..

السلام عليكم ورحمة الله وبركـــآته ..

حيّـآ الله آخوآنّـآ وآخوآتنــآ " المكشــآتيه

هذه قصه طريفه حدثت من حوالي 40 -45 سنـه .. في مدينة الرياض وبالظبط في حي الشميسي . .

على واحد من الجمـآعة شايب .. انتقل من قريتنــآ وانتم خابرين القرى هناك وقبل 50 سنه ان القطــآوة تكرمون تكون قليلة في القرى ..

وبالنسبة للريـآض تكون كثيره لأن فيها النــآس واجد والخيــر واجد ..

صـآحبنـآ انتقل من القرية للريــآض ودور له بيت يستأجره في حي الشميسي
وحي الشميسي مزدحم بالآوادم والقطـآوه .
وبآختصــآر شديــد

الرجال لقى له بيت واستأجره

وبعد ماسكن كل مارقى ينوم في السطـــح ويكون فارش فراشه المغربيه ويكون معه "سحلة معدن"فيها مويه يرشها على جوانب الفراش وحوله وحواليه .. عشان يزود برآده والمطارح والمخده تثلّج بعد الرش :p

يقول صـآحبنـآ : اني كل ماحطيت راسي ونمت وغفلت وعلى الساعه 12 بالظبط. . الى فيه هاك الهر الـ (عرّي)
اللي كن رآسه كورة صب . ! :D

ويطّب من جدار الجيران القصيّر ومطّبه عند راسي وحدر اذني بالظبط . وكل ماطب وعيت به !!! طــآر النوم عن عيني .. وقمت اتصــآيد للنوم من جديد ويبي لي ساعه او ساعه ونص .. كله من هالقطو العرّي الغثيث !
هدآني الرحمن لـ فكره .. عشان افتّك من هالقطــو اللي مشغلني ومعاملني ليليــاً ..

واجيب لي واحد من الجماعه فاهم في الكهــرب .. وقلت له : سو خير ان فيه قطو مشغلني وهذي قصتي معه ! وعلمته وقــآل : آبشـــر
وَمد فيش عند رآسي وثبته في الجدآر وجبت توصيلة فيش وآخرهـآ سلكين عـآريـآت ..

ويوم جـآ هاك اليوم وانتهينـآ من شغلة الكهرب .. واروح للمقصبـه واجيب لي كيلو لحم وابقّي ربع هبر . واحبـــل للقطــو . .
المهـــم ..

وأوّصــل اطراف السلكين العاريه في الهبره .. واخلي الفيش جنب راسي !! ;)
يوم شرّف القطــو على الساعة 12 ودبج عند رآســي مثل العادة .. والى ولله الفيش في يدي ومستعد له ..
واطالع القطو وراسي على المخده وبحذر وبربع عين
والى خشمه ولله في الارض مـآرفعه يتشمشم للهبره الطريّه . .
>>وانتم خـآبرين اللحم من اول له ريـح وله طعــم
مب مثل الحيـن
يوم اتجه للهبره وغرس انيـآبه فيهــآ .! وانا اللي اشبك الفيش في الكهـــرب .. !! :eek:
الله يدفع البــلآ .. وينكفــش وكل شعرتـ(ن) بالحـآلهـآ كنه مغسول بتـآيد كم مره :p
وينـآوي باعلى صوته وماتدري هو يقول
" مياو ولا نيـآو " :D
وانا اللي ارحمه واسحب الفيش

والقطو عادته انه يتأدب اذا شاف مالا يرضيه
ورآح وهو يترنّح يمين ويسـآر لما اختفى عن عيني

وعقبهــآ . . مـآعـنه الطيــر خبر .. لاعاد شفته لاليل ولا نهــآر .. ولا حتى في الحــآره :D

^ وهذه قصة العيــــد والمعــآيده

كل عــآم وانتو بخيــر ..

وينعـآد عليكم بالصحة والعافيه

تحيــآتي لكم جميعــآ