قصه حدثت عام 2134 م
 

السلام عليكم ورحمة الله وبركاته

هذا طالت عماركم صارت لي قصه قبل سبع سنوات
يعني في عام 2134 م تقريبا
كنت اتمشى بطعوس شرورة
واضبط هاك القهوه وهاك الشاهي
على مكينة القهوه ( خلاص انتهى زمان الدوافير حقتكم والدلال)
وانا أتقهوى الا عبدالاله الله يحفظه جايني يقول
يبه يوم كنا نلعب أنا واختي رثعا على هاك الطعس الا اسمع صوت
زي الطقطقه تحت الرمل يوم وطيت عليه
وانا اللي اقوم وانزل السلوقبوت ( هذا سلوقي الي على الطاقه الشمسيه)
وانا اللي اطلقه مع عبادي ويقوم يحفر شوي الا جايب هاك الشنطه
فتحتها الا فيها اوراق قديمه من النظره الاولى عرفت انها من اوائل القرن الماضي
تقريبا عام 2011 تعود لشخص اسمه ذخر او فخر او خوي الصديق
الخط ماكان واضح اللي راح تتعجبون منه انها مكتوبه بقلم حبر
يعني قديييييمه مره ايام الأقلام
المهم في هالموضوع راح أجيب وحده من هالوثائق
عباره عن قصيده او خاطره زي كذا
اللي فهمته ان النت انقطع بزمانه ويشكي فراق واحد من اصحابه
اسمه راعي العجراء. هما اقول لكم انه عليهم اسامي
اخليكم والقصيده
ساهر ودمعي على خدي جرا
×× × لا واهني اللي بالكرى غافي
الجرح في جوفي عيا مابرا
×× × مغير اهوجس واكثر التحسافي
واهني من باع لخله ثم شرا
×× × وخلى شرورة يسفي لها السافي
ماتعدا بيتي لا ربع ولا قصرا
×× × ×مغير مقابل النت يالله ياكاافي
ونستي في سوالف راعي العجرا
×× × × ثم اناظر وش اللي تكتب قواااافي