ثعبان يطير
 

السلام عليك انا في محافظة الخرج وامس كنت جالس مع شيبان وصاروا يتكلمون عن الثعابين وجابو طاري الحنش وذكروا انه له ريش وانه كان يطير من شجرة لشجرة فقلت لهم اخاف يقفز قالوا لا ويحلفون بالله وهذا اللي دوخني انه له ريش ويعرفون جرته واثره اذا طلع من القليب ثم يطير ما يعرفوا مكانه واذا جاء في الليل يقولون كنا نخاف له وشيش كل ليل حتى جمعوا جريد النخل وذبوه في القليب وشبوا فيه ومن ذيك الليله ما عاد سمعو شي
اللي ذبحني لايكون نوع من الثعابين ما اكتشف ويسمونه حنش قلت لهم الحنش عادة يكون كبير قالوا هذا كبير وله ريش زي الجنحان وفي الظهر ينزل على السواقي يتبرد حتى يذكرون شافوه المصاريه مره على طرف ساقي ونحاشو وخلو المزرعه من خوفهم منه
الخلاصه الحنش بها الشكل هل هو موجود هل فيه ثعبان قريب من هالنوعية
هل يمكن هالحنش بهالصفات موجود او كان موجود وانقرض والمراجع العلمية ما يدرون
العلم عندالله سبحانه وانتظر رايكم0