الكلب بلفعل وليس بشكل
 

اخواني الاعزا مساكم الله بلخير معليش بتفلسف عليكم شوي
لاكن فيه نقطه انا ملاحظها على الشباب انهم يهتمون بشكل مره
وينسون الفعل طبعا حق مشروع لاكن انت مربي السلوقي للصيد
وليس للمزاين الي خلاني اطرح الموضوع انا توني جاي من الرمله
المراد العيال معهم سلق اول مره تقنص تشوف الشكل ماودك الاتصور معها
المههم انااا تحمست قلت بس شكل الشوزن مهيب ثايره مره على العلم ان
اعمارهن في السنتيتن والله يعيال الكلاب ممسسه تمسيس عالمي ومن فصايل
قويه لاكن للاسف تتمسيس شهرين وتروح عليك ارنب مشكله
والله وراحت كم ارنب المراد. صدفنا رجال معه سليقتين والله يعيال اشكالهن تقل ثعاله
قبيحه لاخر درجه الا الرجال يعشي معنا وممن الصبح سوينا المجر. ونقص ويطرحنا الله
بذيك لاورينب خزز يدافع البلا وقبل منقصها جانا الرجال وتحدا بسلقه من عنده وقال هدو
اطيب كلب عندكم وتحداكم بالي تبونه انا قمنا ناظر وضحك واحد من العيال قال مهوب ازين للك المهم قومنا ذيك لارنب ورجال ماسك سلقته وخوينا فك سلقته الا الرجال يوم شاف لارنب مبعده ويفك شفناااا متعه شفنااا شي متعنا والله يشباب انها عطتنا درس بسلق مشالله تبارك الله معطت لارنب مجال مردين وطرحت لا رنب انبهرنا يعيال
عشان كذا يمربين السلق اهم شي بسلق فعله فعله فعله
اسف على لاطاله وتقبلو مروري