منتدى استراحات زايد - >>> هنا تجد برميل المندي ( الطين ) و وصف المكان بالرياض

السلام عليكم ورحمة الله وبركاته

أولاً :وقبل كل شي إذا الموضوع مخالف فـ آمل حذفه على وجه السرعه

ثانياً : ما أبي منكم إلا الدعاء في ظهر الغيب

من خلال موضوع أخونا الغالي / mo7taj وعرضه لبرميل مندي من طين

http://www.mekshat.com/vb/showthread.php?t=197579

فـ أغلب الردود كانت تبي مكان بيعه بالرياض ، و الكل يبي المكان و الوصف والجميع كان متحمس

مع صاحب الموضوع اللي ما قصر بإفادتهم بما لديه

و حبيت إني أخبركم بما لدي من معلومات تفيد من يود إقتناء هذا البرميل من أهل الرياض ، فإليكم وصف المكان و السعر بعد المكاسر :)

هذا رد من بين الردود و شفت الرد بعد ما رجعت للبيت

اقتباس:
المشاركة الأصلية كتبت بواسطة gap (المشاركة 2631361)
البرميل هذا موجود في محلات الفخار في حي الشفا في الرياض

أنا شريت واحد منهم.

نعم صحيح في حي الشفاء

وصف المحل اللي أنا جيته

( خل البريد على يمناك و وجهك شمال أمش لين قبل ملف محطة الجميح ، قبل المحطه في محل نظارت و الله إني نسيت أسمه المهم ما به إلا هو ( محل النظارات )

،، وقبل محل النظارات حلاق ، ، المهم محل الفخار قبل المحطه وقبل النظارات و قبل الحلاق وفيه أثنين محلات فخار وهو آخر واحد

لوحته حمراء اللون مكتوب محل لبيع الفخار )

و اليوم واقف على واحد مثل اللي عارضه أخونا الغالي / mo7taj محتاج

http://www.arb-up.com/files/arb-up-2008-6/Awr17847.jpg

ما به فرق إلا حامل ( الدجاج ) اللي أنا شفت شبك معلق

و كان سعره غالي ( 120 ) وكاسرته و أقنعته إن فيه أكثر من شخص راح يتصل عليك وراح يجونك

بس هالسعر هذا أبد ما يناسب و أنا وياهـ لين وصلناهـ ( 80 ريال ) و ممكن نقنعه بـ 70 ريال

المهم يالربع عنده 8 براميل

(( 4 جاهزين ـ وحجزت لي واحد :) ـــ و 4 يقول باقي يومين أو 3 على شان ينشفن ))

وهذا جواله 0500542844 إسمه ( سيد يونس ) اللي يتصل عليه يتاكد إن اللي يكلمك سيد يونس

لإني ماشفت معه جوال و الموجودين 4 أشخاص ، إذا كلمتوا قولو له من طرف ( عبدالله )

بخصوص برميل الطين ،، وبرضه يفهم على السريع من غير طول نقاش لإني أبطيت عنده وطال الحديث معه

*** و الله و قسم بالله ما لي مصلحه من إني أقول قولوله من طرف ( عبدالله )
إلا و الله على شان يفهم وش يبي المتصل بسرعه ويعرف إننا مجموعة وحده ، و يشهد علي الله
.