|
حداق سبيطي+شعم+دويلمي السلام عليكم ورحمة الله وبركاته بدات الرحلة امس1/11/2011 يوم الثلاثاء بعد ماصحيت من النوم في الجبيل احترت وين اروح قلت مالي الا احدق والحين قلت بدوري لي مكان من زمان ماحدقت فيه قلت مالي الاطيبه بس خفت من الهريري يرجع لي مره ثانيه قلت اتوكل على الله وانا متفأل بخير جهزت عدة الحداق ونطلقت الى كورنيش طيبة الجبيل صدت الميد ورحت المحل الزين ونصبت السنارة والجهزت الجله ورميت السنارة والجلة ماهيه الا دقائق معدوده والسنارة تناديني قلت اكيد هريري وسحب عندي الثانيه ولا وقف لا الهرير مايسويها رحت اسرع للسنارة وقفل عليها شفت السنارة بتنكسر اقول لاحالي يتنكسر يايقص الخيط والحمد الله جى معاي وطلع سبيطي يحبها قلبكم طلعته من الميدار واحط الميده الثاني ورميت السناره جلست حول الساعه ماضربت عندي قلت ابغى اشيك على الجله ساعه ولا سحبت مايصير ولا اسحبها الا احس انه شاد معاي واسحب قلت وحره واسحبها وطلع الثاني معاي وانا اسحب الجله ضربت سنارتي مره ثانية وهذي المره السحب قوي قلت اكيد كبير وقفل علي المكينه واسحب الا وطلع عندي شعم حجم محترم اول مره اصيده وطلعه وغيرت المطعم وحط لي ميده كبير اشوي ورميتها وصلت البحر وسحبت عندي قلت وش هذا واسحب وطلع عندي دويلمي الطعم المستخدم/ميد الخيط/50 الثقل/3 المكان الجبيل الصناعية كورنيش طيبه تحياتي للجميع http://files.mothhelah.com/img/pQa33938.jpg http://files.mothhelah.com/img/fH633938.jpg http://files.mothhelah.com/img/nbn33938.jpg |
| الساعة الآن 06:41 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir