منتدى استراحات زايد - (((((((( قصة ماياكل العدس رجال ))))))))

السلام عليكم ورحمة الله وبركاته
قصه حقيقيه
سير احد الاخوان على شايب من جماعته والشايب شقردي راعي مقناص وراعي ابل ومجلسه عامر وفقاد نقاد ولقاه ورحبه وجلس الشايب وصب القهوه احد عيال الشايب ولاحض المسير ان الشايب حاط يده على بطنه كنه يوجس شي
قاله المسير عسى ماتوجس شي يبوفلان قال الا والله معي حركه بطني مهي بطيبه
قال المسير اجل مكثر من العبيل(المرق مع الحليب)
قال الشايب لاوالله
قال المسير وش افطرت
قال الشايب جاب الورع ذا عدس وفول وتميس ومن عقبها ماني بطيب
قال المسير يابو فلان طال عمرك على الطاعات العدس ينفخ البطن وينقد الرجال كل شوي وهو رايح يتوضى من الهوا اللي يولده العدس ونت راعي مجلس عامر
قال الشايب انت صادق (انا ابو فلان عزالله ماياكل العدس رجال)
ومن ذاك الوقت لليوم ماحط العدس بفمه الله يطول بعمره على الطاعات يبلغ من العمر حول الميه وصحته زينه ماشاء الله
ماياكل العدس رجال
اخوكم هزاع