السلام عليكم

عندي باثفندر موديل 2003 طبعا نضيف جدا بودي وكاله ماشاء الله تبارك الله
طبعا ال2003 محركه نفس محرك 2004 و 2005
الي هو 3.5


الموتر ماشي 300 الف
طبعا الموتر قد وضبت مكينته توضيب كامل قبل سنه او اقل من السنه عند ورشة ابو فهد في الرياض وكل القطع اصلي وكاله و قص علي تقريبا 8600 ريال

وغيرت له رديتر اصلي وكاله

ودزق وفحمه و كلتش

و الموتر ماعليه كلام ماشاء الله تبارك الله


المواصفات

فتحه
مكيف لمس
مسجل سيدي
قير عايدي = غرض راعي البر


اللون في الاستماره مكتوب بيج
لونه مميز جدا الي هو سموك سلفر
مابين الذهبي و الفضي
لونه

بختصار الموتر له معي 4 سنوات ماشاء الله تبارك الله شغل و امش وسبب البيع ابي موتر اوسع من ابو بندر ولا عز الله ان ابو بندر خوي درب ولا يفرط فيه و اسال مجرب ولا تسال طبيب تبي خط خذ ولد تبي بر خذ ولد تبي نشاط في النفود مايمشي معه لا لاند كروزر ولا باترول بحكم محركه القوي و خف وزنه سرحه الباثفندر جيب رشيق بمعنا الكلمه

وهاذي صورته الي في التوقيع