|
سلامي على سعر الذهب سلامي على سعر الذهب لو غلا مشراه مزايا الرفيق وكلٍ يشوف بعيونهولا هو لعينا فاتنات يسومونه سلامي عليه ان ضده الوقت ما يبراه وذواري الليال السود ما غيرت لونه على عادته في كل الايام وأهو إيّاه ذهب ما تغير في نظر من يشوفونه مثل صاحبٍ في المرجله ما قصرت يمناه يقز الطريق وخطوته فيه موزونه انا احب خوّة كل نشمي وطيّب جاه الى عدوا اكرام الأيادي يعدونه حليمٍ يداريني من اهل الردى وادراه وهو طيّبٍ قدام اعرفه ومن بونه ولا يدور لزلة رفيقه ولا يقفاه ولا يسمع اهل النمه اللي يذمونه يثمن كلامه ويحسب له قبل يبداه بعيد النظر في مفرداته ومضمونه ولا يسولف الا لأ بيض الوجه لاحكاه وعلى سالفته اخوان شمى يحسدونه وترى صحبة اللي دون طرقه ولا مخاواه كثير عواقبها ولا هيب مضمونه صديقٍ معي وقت الرخاء ضاحكٍ بشفاه لسانه يقول اللي متقوى له متونه على الدرب يكشف حاجةٍ كانت مخباه تحت ضحكةٍ فيها خفاياه مدفونه وترى الجود جود ضعيّفٍ ما ملك مخباه يقلط ضيوفه والكرامه من ديونه مهي مدة اللي لا عطا المال ما حاتاه ومجلسه يا خذ له سنه ما يمرونه يا زين الكرم لاخذه الانسان من مرباه ولا هو لجل من يمدحونه وينسونه يا صعب اختيار الصاحب أو يا سهل فرقاه كذا عادة الايام والوقت وشطونه بديت القصيده بالذهب والذهب معناه |
صح لساانـــ الشاعر اشكررررررررررررررفننننك ع القصيده الغاااااوي والله يعطيك العافيه ونتظر منك زوود كلمات فى قمة روعة وتقبل مرورى |
صح لسان كاتبهااا .. مشكووور اخوي ع القصيدة الجميله .. الله يعطيكــ العافيه .. |
| الساعة الآن 02:20 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir