|
((( شكوى السقيق اللي صدى صوتها ثار ))) يغيب رهج القصيد .. وفي غيابه شوق لكم .. فكما أن للغياب عذر نجد أن للحضور أعذار.. صورة أرسمها لكم هنا عسى أن تجد في ذائقتكم مكانا. وطيت درب الشوك مره ومره من حر مابي فاحت الكبد بمرار شربت كاس فيه حلوه ومره طعم المراره فاق ما جاز بأمرار عسى عدو عيني تحوفه مضره حتى يشوف اللي خفا داخل الزار لا لا تقول من اشتكى ما يسره خله يفوح بعبرة تطفي النار نار كما ما بين نجد ومسره شبت على ضر ونادت لها أضرار لاأصبح سكن وإن ظلم الليل فره فره وجعها بين الأضلاع وإنهار يضمد أجروحه بصوته يجره يا ليل غرب خذ معك كل الأكدار والصبح أخو لليل لازم يبره أخوين ما تمشي عليهم بالأعذار هذا الأخو لخوه عون مسره نايف كتبت أحروف شعري بالأعبار مدري خطا والا جوابي يمره كما سحاب الصيف لا برق لا أمطار نايف ترى صدري همومه تزره مثل الكسير اللي تجرع للأعزار من ضيمها هجرت قصره لبره جور الليالي أرهقتني فالأبرار بعت الذهب من جورها بصاع بره وأفك صدري من شرك شبك الأحسار ويفهم فهيم(ن) فاهم(ن) ما تغره شكوى السقيق اللي صدى صوتها ثار رهـــ القصيد ـــج |
| الساعة الآن 05:26 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir