منتدى استراحات زايد - (( يناديني بالغلط ّّ غلط فيني خمس مرات ...!!! ))

*يناديني بالغلط ّّ غلط فيني خمس مرات ...!!!

*
السلام عليكم .. اخواتي/ اخواني

يناديني باسم غيري غلط باسمي خمس مرات

مرة قال يا طيبه تعالي قربي لميني ..

ومره قال يا نورة وينك ليه هالغيبات*

ترى والله بعدك طال وانتي بالحيل وحشتيني ..

ومره قال يا هاجر ارحمي من بحبك مات*

كيف الحب يصفالك ويرضى انك تخليني ..

ومره قال يا سارة فديت عيونك الحلوات

بنظرة وحدة من شفتك اسرتيني وسحرتيني ..

ومره قال يا اشواق شوقي زاد بالاهات*

فديتك يالغلا كله بحبك لا تلوميني ..

سالته من هي ذي نورة وضاعت منه الكلمات*

قال لحظه يا عمري دقيقة بس سمعيني ..

قلت اصبر على قدرك وارضى بقسمتي بسكات*

شسوي وحبك الغادر سكن داخل شراييني ..

تلعثم في حكيه وضاع قام ترتجف الشفاة*

قال ارجوك يا حبي ترى انتي ظلمتيني ..

قلت احكي وقول الصدق ترى الصدق هو منجاة*

احذر تكذب بحكيك ان كنت بالحيل تغليني ..

قال الصدق يا روحي هذا ماضي(ن) ومات*

مراهق كنت في صغري ادور حب يسليني ..

طفل العب بحوش الدار وشفت بدارنا طفلات*

حلوة جت تزور اختي , طيبه بنت جيراني ..

كبرت ورحت متوسط يمها مدرسة بنات*

لمحت نويرة بالهدة , صرخت وقلت اعفستني ..

ومرة وانا متضايق شبكت النت دخلت الشات*

هاجر نكها يلفت وسوالفها لعبت فيني ..

كبرت اكثر وزاد الشوق وسارة زينة الزينات*

بفرع المنطقة شفتها اجمل ما رات عيني ..

ومرة رحت انا للسوق مع حمود بو قذيلات*

لمحت اشواق فالمطعم بنظرتها تناديني ..

ماض(ن) راح من مدة دفنته في قبر اموات*

لكن زلت لساني رجيت انج تعذريني ..

انسي هذي الغلطة وانسي كل هالزلات*

قدرك اكبر بقلبي انتي فرحة سنيني ..

انتي حلمي الاول لقيت بحضنك البسمات*

لقيت الفرحه بعيوني بحساسك ملكتني ..

قلت ابشر يابو عيالي بنسى ماضي الغلطات*

ماهو بيدي هذا الشي خوفي لا تخليني ..

بلاني ربي بزوج(ن) حياته كلها هفوات*

لعب عشره خمس سنين باسم خمسه يناديني ..

ياخوفي بالسنة الجايه ,تناديني يا فرحات*

تقول هذي بنهر النيل شفتها وسحرت عيني